圖 /文 : 巴斯
歡迎來到隔山買硬碟，錯過上集的朋友可👉 ( Click 我重温 ) 👈，早前美國劈價，團購我就無資格喇，唯有叫長居美國L.A.的妹妹代買，誰知成包貨唔知去咗邊，今日先收到，正所謂山窮水盡而無路，下句自己填丫，容量為 12TB 👉軍民兩用國防設備👈 WD Elements 外置硬盤，遲到好過無到，除感激都唔知可以講乜🙏。
網底蛙並唔係浪得虛名，當大家手上硬盤用 14TB 是常態時，我咁大個人，從未擁有過 12TB 容量硬碟，那種深不見底安全感，前所未有。😂
相信大家對 12TB 的 WD Elements 外置硬盤一點都不感陌生，我應該係第999萬名拆出 12TB 氦氣 硬碟來用的人，網上教學多到睇都睇唔晒，只是想不到我自己都有份做這手術咁解遮。
開盒後可見 12TB WD Elements 外置硬盤在內。
正被適當地保護著。
盒內附件包括👉火牛， 👉1米長度 USB A to Micro USB B 線材和說明書。
最憎見到靜電膜，一見就急著滅消她。😊
我明白應該手術後先撕走，但我實在忍受不到，撕掉上鏡靚仔好多，屍伏晒~~~😂
在機背散熱孔上下邊位合共有4個內扣，師兄或各位熱心市民教導，利用信用卡之類工具，就可無痕開蓋取出硬碟，手術簡單，小學生都做到。
我呢類食物鏈最底層的人，那有資格擁有信用卡呢? 找來過期 SIM Card 插入其中兩個內扣，右手推卡頂扣，左手拉殼，立即脫出。
四個內扣分佈位置如下，看到她們不是對稱設計。
網上教學清楚脫殼套路，照做便能輕易脫出U形殼，放心，以我智力都做到，相信無人做唔到。
硬碟背面樣子。
首先移走伸到前面版的導光條。
前面版燈號，就是靠這導光條作出顯示。
移走導光條後，就要把硬碟脫離框架，框架四角都有避震軟膠迫實硬碟，在無需工具下，徒手把圖中箭咀所指兩粒避震軟膠推出， ( 只需推出箭咀的兩粒就可以，無需4粒一起)
由底部推出這兩粒避震軟膠，硬碟就脫出來了。
WD120E MAZ 的12TB 氦氣硬盤，出來了~~~~~~
接下來要處理是把側面 SATA 轉 USB 電路板拆走。
側面鏍絲。
第二粒是位於底部鏍絲，可脫殼前拆，又可脫殼後拆，而我選擇前者。
兩粒鏍絲被拆走，然後把電路板推出。
SATA 轉 USB 電路板完全脫出了~~
所有器官用膠盒存放好，他日要接上其他硬碟時用得著。
把膠盒存放各器官到盒內節省空間，講開這個機殼，如果用不著可以出售到二手市場，我見有師兄以 $100兩個的二手價發售，咁我當然唔知這價是全城最貴定最平，只係八掛見到吧。
生產日期是 2019 年12月23日平安夜前夕，出生地和 Tony Jaa 一樣是泰國。😂
透過把脈知道轉速為 5400 RPM。
硬碟讀寫速度方面，利用兩個大家熟識軟件作為參考， 在200MB/s左右，4K 寫入速度👉 6MB/s👈😱好快啊~~
個人滿意其讀寫速度。
這 12TB 硬碟屬於異地備份用途，由於要抄的檔案數量比較多，首次選擇對抄，日後先透過網絡備份，所以完成後打包拿走。
呢個盒邊度買?
👉 按我得到重溫👈
:全文完: