圖 / 文 : 巴斯
又來到妹妹非定期由美國 L.A. 寄來的救濟品，但有別於過住順利，今次這批救濟品，飄流失聯多月後先來到我手，我以為今生今世都再見唔到她們了，總之今日能到步，實在萬幸，由於唔知經過幾多人手，更唔知這箱物品到過什麼地方，所以唔可以就咁把紙箱打開。
到步後，用 59S UV-C 紫外線殺菌棒 照一照先~~😀
開箱後也立即向箱內照射。
當然箱內還有地對空飛彈，反坦克炮、核反應堆………等救濟品唔方便上鏡， 但全數每一件都要經 59S 照一照先可留下。
拆走膠袋再用 S59，以 3cm 有效距離照射，哈😀，照 Life 這碟時，紫外線燈光映照到封面時的👉圓點👈很有戲劇效果。
每件都要照一照先放心。
這批碟全都是數月前在美國劈價時，透過妹妹一先一後購入，事隔咁耐，大多數都下架或以原價發售了，妹妹當日收貨後把她們放花園晒一日一夜，然後用消毒紙巾一一為她們抹身，最後把她們獨立包裝後， 才入箱寄港。
唔知係咪因為硬碟屬於軍民兩用科技及國防設備，所以貨件失聯喇😂，大家早前團購美國劈價的 WD Elemeuts 12TB 早到手，但我的就現在先收到，遲到的還有多月前推出的 Samsung Buds+ 美國紅版，現在都 Out 晒啦~~但阿Q一點同自己講，遲到好過無到。
全數 4K UHD 都是劈價買入，但 THE CALL 這 Blu-ray 是正價發售。
一來喜歡這電影，二來 Halle Berry 在這電影裡演得好，編劇也不錯，雖然當時還算👉嫩口👈的 Abigail Breslin 演出就一般，但整體是合我個人口味電影，事實上我很喜歡 Halle Berry 演這類角色，她另一套名為 Kidnap 的電影我同樣喜歡。雖然 THE CALL 是正價入手，由於是 Blu-ray ，只售 7美元 ( 約$54港元 ) ，何況這個價是 Blu-ray + DVD ，Blu-ray 屬於 BD-50 ( 單面雙層 )，雖然這美版碟並無中文字幕，但難你唔到吧。
:全文完: