|
求人不如求己 發佈日期 : 2015年 11 月 13 日 圖 / 文 : 巴斯
東京之旅入住酒店第一天，見到書桌面有一個插頭，插上充電器後，再無位置多插一個電器，於是打比服務台借用拖板， 嘿~~~佢居然夠膽答我無，我問佢究竟借晒出去，還是由頭到尾都無供應呢? 佢話從來無供應，丫~~~有無九菜? 最大眾化的 ( 東橫INN ) 都有啦， 呢間酒店居然可以話無，如果唔係紅葉期，我又遲Book 房，我需要求到你 ? 好，你好野，我自己去買。
迷你拖板 心想，家中一屋都係拖板，我無奶油再買拖板回家吧，剛好經過100 円店，見下圖所見產品，丫~~~好選擇，一來售價只係 100 円( $6.8 港元 )，二來唔需要咁大塊拖板放行李內。 但細心睇清楚，係就係見到兩個位，但插入牆身後，扣除本來一個位，都只係額外增加多一個位用，合共也只不過兩個位，真係少左D，唯有再搵。
識轉彎 丫~~~呢個識轉彎，可以改變角度，又幾好播，但都係得兩個位用呢。
有開關 呢個仲衰，一個換一個，依然得一個位，勝在有開關，但對我作用不大，唔關我樹。
L 型插頭 哈~~~呢個純改變角度，有時碰到先天環境情況，會用得著的，支援最大1500W， 100円又唔係貴 ，計埋 8% 消費稅，即係 108円 ( $6.8 港元 ) 。買來當玩具玩都要啦。
在她背面可見產地是台灣。
實際使用 L型插頭時係咁樣來改變插口角度，有些先天環境情況，會用得著的。
迷你3位 還未解決拖板問題，再睇，啊~~~~呢個有三個頭，扣除原本一個位，即係爭取到額外兩個， 即係同時插三個電器，支援合計最大1500W，身上可見紋身字樣為 15A 125V字樣，並且三位都唔同角度，都OK 喎，細到成隻麻雀牌咁，仲好過上述兩位拖板，唔錯唔錯。
3位180度 咪住~~~~呢個仲好，同樣都係三個位，但可轉 180 度角啊。支援合計最大1500W，身上可見紋身字樣為 15A 125V字樣，
唔喜歡黑色，可以選白色。
透過手的比倒，可大約猜想到實物大小，留意兩腳可調校角度。
實際使用係咁款，不單可向上或向下改變角度，還可平放，視乎當時環境實際需要。 試問又靈活，體積又細，一次過提供三個插位，仲要連稅售價 108円 ( $6.8 港元 ) ，點可能唔買呢?
另類組合 如果仲有死位或盲點，可以配合埋上述提到過的L型混合使用，相信咁搞法都好難有罩門了吧。^^
DIY 最後呢款就係圖中所見取代品，今次出門有備而來，但你睇個
13A 蘇頭大到呢，放在李行內非常不便， 不過家中除了音響用的發燒電源線是有機會屬於兩腳扁插，其他散線並不多兩腳扁插頭給我出門用，唯一方法就是預先DIY，把三腳換成兩腳便可。
在 100 円店內被我掘到呢一款，可給我回港做手術。
背面有圖解照做就可以了，不過做呢類手術，必需要有電工牌先做得，平日換電燈膽都必需聘用合資格電器技工，何況換電源線咁大件事? 不合格接駁，輕則跳掣，重則爆炸並火警，絕對危害生命！買回來找合資格電器技工搞吧。 我一定係要咁講啦，點解我咁講? 你懂的，講完。
呢款接頭，還可以屈摺成 L頭，太正了，一次過買了三個回來。
出門點會單靠三腳轉兩腳轉換頭呢? 早準備好日本適合的兩腳插了，只不過今次 DIY 後，就可不再帶13A 蘇頭電源線出門了，這款同樣是連稅每個售價 108円 ( $6.8 港元 ) 。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
