|
求人不如求己 发布日期 : 2015年 11 月 13 日 图 / 文 : 巴斯
东京之旅入住酒店第一天，见到书桌面有一个插头，插上充电器后，再无位置多插一个电器，于是打比服务台借用拖板， 嘿~~~佢居然够胆答我无，我问佢究竟借晒出去，还是由头到尾都无供应呢? 佢话从来无供应，丫~~~有无九菜? 最大众化的 ( 东横INN ) 都有啦， 呢间酒店居然可以话无，如果唔系红叶期，我又迟Book 房，我需要求到你 ? 好，你好野，我自己去买。
迷你拖板 心想，家中一屋都系拖板，我无奶油再买拖板回家吧，刚好经过100 円店，见下图所见产品，丫~~~好选择，一来售价只系 100 円( $6.8 港元 )，二来唔需要咁大块拖板放行李内。 但细心睇清楚，系就系见到两个位，但插入墙身后，扣除本来一个位，都只系额外增加多一个位用，合共也只不过两个位，真系少左D，唯有再搵。
识转弯 丫~~~呢个识转弯，可以改变角度，又几好播，但都系得两个位用呢。
有开关 呢个仲衰，一个换一个，依然得一个位，胜在有开关，但对我作用不大，唔关我树。
L 型插头 哈~~~呢个纯改变角度，有时碰到先天环境情况，会用得着的，支援最大1500W， 100円又唔系贵 ，计埋 8% 消费税，即系 108円 ( $6.8 港元 ) 。买来当玩具玩都要啦。
在她背面可见产地是台湾。
实际使用 L型插头时系咁样来改变插口角度，有些先天环境情况，会用得着的。
迷你3位 还未解决拖板问题，再睇，啊~~~~呢个有三个头，扣除原本一个位，即系争取到额外两个， 即系同时插三个电器，支援合计最大1500W，身上可见纹身字样为 15A 125V字样，并且三位都唔同角度，都OK 喎，细到成只麻雀牌咁，仲好过上述两位拖板，唔错唔错。
3位180度 咪住~~~~呢个仲好，同样都系三个位，但可转 180 度角啊。支援合计最大1500W，身上可见纹身字样为 15A 125V字样，
唔喜欢黑色，可以选白色。
透过手的比倒，可大约猜想到实物大小，留意两脚可调校角度。
实际使用系咁款，不单可向上或向下改变角度，还可平放，视乎当时环境实际需要。 试问又灵活，体积又细，一次过提供三个插位，仲要连税售价 108円 ( $6.8 港元 ) ，点可能唔买呢?
另类组合 如果仲有死位或盲点，可以配合埋上述提到过的L型混合使用，相信咁搞法都好难有罩门了吧。^^
DIY 最后呢款就系图中所见取代品，今次出门有备而来，但你睇个
13A 苏头大到呢，放在李行内非常不便， 不过家中除了音响用的发烧电源线是有机会属于两脚扁插，其他散线并不多两脚扁插头给我出门用，唯一方法就是预先DIY，把三脚换成两脚便可。
在 100 円店内被我掘到呢一款，可给我回港做手术。
背面有图解照做就可以了，不过做呢类手术，必需要有电工牌先做得，平日换电灯胆都必需聘用合资格电器技工，何况换电源线咁大件事? 不合格接驳，轻则跳掣，重则爆炸并火警，绝对危害生命！买回来找合资格电器技工搞吧。 我一定系要咁讲啦，点解我咁讲? 你懂的，讲完。
呢款接头，还可以屈摺成 L头，太正了，一次过买了三个回来。
出门点会单靠三脚转两脚转换头呢? 早准备好日本适合的两脚插了，只不过今次 DIY 后，就可不再带13A 苏头电源线出门了，这款同样是连税每个售价 108円 ( $6.8 港元 ) 。
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
