|
急行與各停 發佈日期 : 2015年 11 月13日 圖 / 文 : 巴斯
在日本乘座鐵路，無論入閘後的一刻，又或者到達月台後，最好望望上面顯示板，尤其乘坐比較多站的路線，因為顯示板上通常都有顯示 急行 和 各停 ， 雖然前後兩班車都屬同一目的地，但有分 急行 與 各停，( JR 埼京線叫 快速 與 各停 ) 睇字面你都一定懂得選擇跳上急行了吧。
兩者最大分別，各停 唔只站站停，而且停得比較耐，唔似港鐵停一停就開，有些路線，停留時間，足夠去小解，站站係咁停，真係想死，Sorry........應該係慘過死。 急行可能全程只係停幾個大站就算，節省超多時間，而且自我感覺良好。 急行 與 各停 指示，除了在大堂或月台顯示板上見到，車頭與車身則面，都可以見到。
試過本來需要一個小時的車程，因為乘坐 急行，只用了20分鐘就到達，試想像一下，如果你去尖沙咀，在荃灣站上車後，呢班車只停旺角與佐敦，終點站係尖沙咀。 當你在車廂外望高速越過葵興........葵芳........長沙灣.......深水埗.......太子的月台時，你有乜感受丫拿? 在日本一樣咁開心，看著自己的列車高速飛站的感覺爽到不得了，試過你就知 ^^ 就以下圖其中一條線為例，藍色代表 各停，上層杏色代表 急行，由頭到尾只停兩個站，你話我知飛站的感覺爽唔爽先。 所以上車前看看指示板，可能唔上現在眼前呢班 各停，多等三分鐘坐下一班 急行，反而有著數。
其實種類並不只是上述兩類 急行 與 各停，還有細分類別，以下次序由最快到最慢 : 快速特急＞特急＞快速急行＞急行＞特別快速＞新快速＞快速＞準急＞普通・各停 。 而且上車前要搞清楚所飛越的是否自己要落車的站，否則得不償失呢。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
