|
执到 发布日期 : 2013年 11月6日 图 / 文 : 巴斯
昨日经过垃圾桶，见到部无人要的 iPad Air，我估市场上说 iPad Air 无人要系真事呢， 其实.....会唔会系一个吉盒来的呢? 你知啦，自由行旅客无必要 keep盒。
拿来看看先~~~~~ 点解...........好........好...........好似系未开封啊。
啊~~~原来真系未开封的。
系就系屈就，正所谓人弃我取，人有我有咁啰。 好~~~~等我影返辑开箱图先，虽然网上 iPad Air 开箱图多到呕，话之佢，最紧要我自己有影咪得啰。 呀边个，唔该过来帮帮手，系呀，系你呀，拿拿声过来。 你望住我做乜 ? 开啦，打开佢呀，唔好望镜头， 打........开........佢
知架喇，知架喇~~ 16GB净 Wi-Fi版本 iPad Air 丫嘛，唔好搞咁多无谓野， 立即开箱!!!!!
新速速未开过，早之放上网出售.........噢，系播，人家都话唔收 iPad Air 啰， 咁........无计，唯有自用。
四边围住来介，快手卷起胶纸，唔好阻住个地球转。
底部开封了，开盖~~ 出力!!!大力D!!!!
开盖后第一件出现在眼前当然系 iPad Air 了吧。
移走上层的 iPad Air ，可以见到下层的配件。 图中左手边大家最熟识的包装。
由于这部是纯Wi-Fi 版本，没有插卡位置，所以没有跟上那个好像万字夹的针， 只见到简介和贴纸。
而下层就是 Lightning to USB 线材。
在官方店散买一条一米长 $148 港元架，咁杂厂就当然唔需要咁贵啦。 依家送比你啊，想点?
呢除了有 Lightning to USB 线材外，就是香港标准 12W USB 电源转换器， 官方店单买一个 $148 ，杂厂当然唔需咁贵啦。
转换器要合体先用到架播。
大家最关心的输出和产地来源资料， 都可以在转换器身上找到。
好喇~~接下来就系到 iPad Air 机身。 由于有个胶片把机身包着，所以要把呢块胶撕下来先。
搞惦，撕好喇， 开机~~~
搞完一大轮问答题，就可以见到呢个画面，正式使用呢部 iPad Air了。
iPad 的斜边和无方向性的 Lightning，都是讨我喜欢的设计。
部机叫醒佢的时候，虽然不足 100%能源，不过如果买完立即回家的话， 应该够在车上打发一下时间的。
多谢利安 边有可能通街执到 iPad Air丫，就算有，果个都唔会系我啰，睇开 avbuzz 的朋友都好清楚，呢种手法只系我惯常用的开场白。 iPad Air 其实系利安送比我做生日礼物，在这里首先多谢佢送咁厚礼比我。 哗哈哈哈~~~~唔好傻啦，都系假的，他点会咁对我呢，除非我有绝症咁就有机会，仲要系烧比我果只。 讲返事实喇，部机是属于利安他自己的，在他的 Facebook 内可见呢张咁有动感的图片，他是在上星期由官方店直接购入。
利安好好人呀，买了几日都唔开封，为的就系借比我用， 由于我用开的 iPad mini 更新成 iOS 7之后，整部机反应都好慢，而且好多时都弹 app， 而且Load 缩图封面都好慢，非常没趣。 咁你知我衰乜野啦，但唔上都上了 iOS 7，返唔到落去，唯有打算换新机啰，iPad mini 2 好自然系首选。 不过新机又系唔系真系解决到先? 所以利安就好好人咁话借我用，都唔知点多谢佢了。
正如早前笔记里提到，我用 iPad mini 原因只作为摇控，在家的 CAS系统当中， Lumin 和 Mac Mini 摇控，都只能用 Apple app ，所以我根本无得选择。 待续........... 以下连结可重温 最佳摇控 一文 : http://www.avbuzz.com/audio-video/201305/ipadmini/0.htm
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
