Note 3  结局篇

发布日期 : 2013年 10月5日    图 / 文 : 巴斯

出机后几日，收到呢一个讯息，有无咁利害~~部手机唔系帮佢买啊~~咁都知我换了4G手机? 

定系.......他们乱发相同讯息比客户，只不过我自己对号入座呢?

明明用4G机，无奶油唔把月费计划转做4G的，虽然我明知 4G食电好多，但都想体验一下，

况且  $50 ，算啦去玩下。何况现在有两块电在手，能源并不是问题。

就系咁我就在其中一间荃湾门市度出现了 ，丫~~~依家D科技真系先进，

门口职员问我手机号码，她在 iPad笃几下，我手机就即时收到以下呢个讯息，劲啊~~

再唔需要纸喇~~值得一赞。

 我轮候号码系 B24，现在系 2:30 哈~~有埋预计时间 2:47，

咁即系起码 17分钟后，不如.....去隔离行下唱片店先。

我在唱片店不时 Click讯息上提供给我的Link，睇下叫到几多号先，

真系几方便，唔错唔错。

原来一年内无换过Card的话，是无需付$50，我的确系无换过，所以今次3G转4G是免费的。

好喇，4G都升级埋喇，部Note 2都系时候放售了。

去边度放好呢? 先达 ? 你无野下嘛，先达咁多武林高手驻场，扫地个婶婶都有资格坐馆啦，

我拿住部换过Mon的整容机，骨都比佢地化埋都似，唔好喇，我都系去D商场仔碰下运气。

其实收得机，商场铺仔又好，街边档又好，收机的人都唔会系低B仔，*#0*# 工程模式照妖镜一定无走鸡，

比佢找到小小缺点就无限放大再放大，目的只有一个，就系压价。

我出门口前睇过我部机无事，只担心比人一眼睇出换过大银幕吧，

非常好彩，这家店的坐馆睇唔到呢个问题，只系睇到我唔用Mon贴，

但佢睇到个封条被拆过，问我部机换过D乜，

我话唔知，我是二手买返来，他说如果无被人换过内藏，就收我$2500，

于是佢得到我同意下拆机验。

当时我心情同比左张打劫字条比银行职员等收钱心情一样，

好惊呀~佢会否因为咁而见到个Mon换过?

几分钟之后，我拿着 $2500 夺门而出。

心里想着.........

　哗~~~Note2今日都只系收 $2500，如果他日放售仲伤啊，

还要扣除 $800整容费，实收.......唔好提了.......... 

所以放机真系要狠，否则他日坏机又或者唔值钱先来放售，就惨喇。

个人感受

Note 3 虽然加入好似好多功能，但其实用性并不大，也有一些功能本来都有，只不过简化后再推出，

你唔好讲比我知系因为 4K拍片和支援 24Bit 192kHz 啊，

呢个咁有要求的格式，并不会和手机挂勾的。

在耳机先天输出不足的平台下，点可能对 24Bit 192kHz 表现好，

况且呢类格式的歌曲，根本唔大众化，

　我相信大家系听歌，唔系听格式吧。

外观方面，有很多人话Note3 似大陆机，但我由头到尾无呢个感觉，

只不过觉得四只角再方形一点就好睇好多，不过现在也可接受，最起码无咁圆，手掌可握得贴一点。

无可否认，配合S Pen的使用，Note3始终是最适合我个人使用的智能手机，没有第二部比她更适合我用，

她差不多系为我度身订做一样，最起码我不能接受用尿袋，她都能迎合我的需要。

我成日用的相簿都改进了外观，使用上更方便而且好看，

最重要系可以预览到 Dropbox 图片，而且系全屏显示，对我转发出去是很实用的功能。

另外，分割Mon都系Note3的一个强项，虽然Whatsapp  和 WeChat都支援，

但我用得最多的LINE又无啰。

Note3依然不可以把相机模式静音，当然一刀切把手机静音当然可以，

但每次在公众地方影相都要按全机静音，影完又要记得开返声，好麻烦。

幸好有其他相机 app有Shutter静音功能，360呢个相机 app系其中一款解决呢个问题。

非常多谢各位收看一连四集的Note3介绍，

以一篇手机分享写四集真系有点过份........　

  Video 

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。