|
二手荀货 发布日期 : 2013年 3月25日 图 / 文 : 巴斯
新宿区共有四间 BOOK OFF 二手店，平日多数去涩谷分店，贪地方大小小，而且地库有二手表和古着可以找到。 今次试下来 新宿驿东口店，对于住新宿区来讲好方便，因为这里是晚上 11: 00 关门， 食完晚饭，可以在这里消磨一段时间先返酒店，系一个好好的饭后甜品。 这家 BOOKOFF 位于这座大厦的 5至 7楼合共三层，虽然这家没有二手表和古着，但地方也算大，货品也不少。 地址系 ： 东京都新宿区新宿3-18-1
二手店做到上市真系佩服到五体投地，BOOKOFF 由 Games，CD，DVD，Blu ray，漫画，杂志，写真集，纯文字书........一一都有，而且分店又多， 香港人来日本旅痕，无来过这里寻宝，会失眠啰，咁多日版CD，有些更低至 105 日元 ( 以 8.2算约为 $8.5 港元 ) 你话喇~~ 日版CD $10 有找喎，边度搵呀 ? 呢度咪有啰。
而且日本人一向自我保护意识强，他们自己知自己的产品系好野， 平日他们进行网上二手放售物品，多数唔会把物品卖出国外，他们只益自己友。 所以网上代 bid 咪可以应运而生啰，物主见个邮寄地址系日本地址就唔会理，放心去马呢。 现在亲身来到日本买二手现货，唔上来寻宝，真系对唔住自己架，唔买都睇下。 你话比我一个唔觉意搵到日版王菲，或者日版 Beyond，再唔系掘到未开封的日版哥哥， 咁就光宗要耀喇喂~~未出发先兴奋咪呢只啰。
在日本呢段期间，我发现利安在 Facebook 贴出樱花相，咁............岂不是他来了日本? 啊~~死喇， 如果比佢先来一步，咁D好野咪比佢扫晒? 希望佢唔好来呢间 BOOKOFF 啦。
果然，后来我见他在 Facebook 贴出呢张相，你唔好话我知你唔识呢D系什么碟呀~~~
天呀~~~我都话架啦，每只只售 1000 日元 ( 以 8.2算约为 $82 港元 ) 每只 82元喎，去边度搵呀~~~~~ 点解........点解............好似未开封架? 喂~~~我又要一套呀~~~唔该，唔该，好耐都唔该~~~~~
我唔同你讲住喇~~去寻下宝先，点解呢个角落咁垃圾架 ? 乱得好紧要啊，唔知仲以为又 311添。 咪住先，左下角有盒..............
少女时代在日本推出首张专辑盒装 DVD 只系卖 1950日元 ( 以 8.2算约为 $159 港元 ) 咁大盒，包装又咁精美，平到呕泡，日本人出名爱锡物品，你睇呢盒野新到呢~~~
系播，之前比唔知边个一借无回头的安良城红日版 CD 碟，灵魂就在硬碟里， 躯壳都唔知边个衰人借走左又唔出声，不如睇睇呢度有无二手先得。 在店里找了一段时间，加上唔熟识这里的分类，都唔知放了在那一个位置，点算好呢 ? 佢就系安良城红 喇。
丫~~~~想到喇，有 Note 2在手，可以写个名出来比店员睇， 咁咪可以节省时间，一步到位知道答案啰，我系咪好聪明呢 ^^ 就系咁，我就比了这个画面店员睇喇，但...........店员的表情话我知佢唔识 安良城红 系乜水。 我意图用外国人都听唔明的英语和她沟通，她当然系唔知我讲乜吧。 于是我讲多自然就错多，同佢讲系 Kawaii TV 的女主持，嘿~~~咁就奶野喇，佢话这里系无出售 Kawaii TV 的电视节目。
我当场晕左啦~~~
心水清的你一定觉得我非常弱智，如果店员睇唔明 安良城红 系乜水， 应该说出她的英文名 BENI ，而唔系讲 Kawaii TV 啰。 唉算喇~~~我都系打消呢个念头了，拿~~~世事就系咁，当我话放弃，去找安室时，正正就系比我见到呢四只碟在货架上。
我最爱的就系呢只CD喇，可以搵得返，算好好彩啰。 拿，一借无回头那位朋友，唔该你依家唔好还返只碟比我喇， 更加唔好话比我知系你啰走，否则我会好好好好嬲你。
唔........收获唔错，再去 105日元区睇睇先~~~~哗~~~$8港币一只日版CD，大家跟我读一次丫
>>>>> 系日版。 平到咁，要用红白蓝先装得晒心头好。
一向少货的中森明菜，这里算系叫做多款了。 咁呢个范围当然唔系105日元啦。
其他吸引人的还有..............
使人怀念的 ZARD ............
BOXSET 呀~~~
AKB 的华丽包装 DVD都有售。
在升降电梯前有另一堆放到好似垃圾的杂物，哗~~好多硬封面大大本的写真集。 我见到有 含完几香 写真集都系卖 200日元，真系惨呀~~200日元一本，用来摄台脚都抵呀。 ( 以 8.2算约为 $16 港元 )
无阴功呀~~ 我最喜欢写真集之一 广末凉子 No Make 都系 $105日元，( 以 8.2算约为 $8.6 港元 ) ，贵过份报纸少少架~~~~ 唔知 广末凉子 知道会点呢?
拿拿拿~~~大岛优子就无可能105日元吧。
在三层BOOKOFF里，好努力咁找 Hi-Vi 和 Stereo Sound ，最后系一本都见唔到的。 反而女生门喜欢的 ViVi 就轻易找到。
三层最最最最多人打书钉的位置就系漫画区。
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。
|
