Canon  6D

发布日期 : 2012年 9月20日    图 / 文 : 巴斯

精彩的广告

  Video 

　以世界遗产屋久岛做主题，话就话用 Canon  6D相机和 Canon 不同镜头所拍摄，

但在后段制作特辑中，所见到的是摄制队的功劳，与是否用 6D拍摄都无所谓。

片段中只有一小段是摄影师徒手拿着相机拍摄，其他一律落三脚架或上晒路轨拍摄，

试问如果人人带相机，都带埋三脚架或稳定架，什至路轨一起使用，张张相ISO 100得啦，要咁高 ISO 来做什么? 

高ISO咪就系为我呢D唔带脚架的人而设啰，不过唔带唔代表无买播，我呢类人有买三脚架，

当人家问边款三脚架好，我就好似机关枪咁讲一大堆又炭纤，又云台，又波头，又乜又物，连快拆都讲一大堆理论出来凶人.......

但问点解影D相会咁震，我只会答系怕麻烦而无带脚架，我有买脚架，只不过放屋企供奉之嘛，

费事比人话有钱买相机，无钱买脚架啦，系咪? 

如果好似摄制队，影每张相都落路轨或者三脚架去拍摄的话，好多机都做到呢个效果，咁.......关 6D乜事呢? 

咁梗系水晶胶加双氧水啦，唔系我鸟到个字出来? 呢D野一早知架啦!!!!

　所以呢个广告对我来讲，笨唔系 6D 广告，而系叫人用脚架影相的广告，只要用脚架，就可以拍到咁出色的效果出来。

咪以为比钱买部 6D 就影到呢D质素出来，不过，今时今日相机对好似我呢类路人甲来讲，

消费品来吧，到期咪换季啰，唔通用过世咩? 部机唔坏，自己都睇厌，就算自己唔厌，都比人话对部相机长情吧。

广告拍得好就去买，你同我讲技术，讲比我知都唔明，影张相遮，识果个唔理个广告啦。　

呢部EOS 6D属于2020万像素全片幅单镜反光机，其中一个强项系........内置无线传输功能，

拿你睇睇以下呢张图，就明白晒系，日文唔明? 唔紧要，依家D人都唔睇字，就算中文都唔会去睇，图像化就明白。

即系话用部 6D 影的相，可以透过无线传输方式，去到指定的其他装置，

例如智能手机或平板电脑之类的器材，咁去到那边，自然就可以有多种不同的出口，再转发相片到第三方，

咁以后就可以用呢部单镜反光机影完的大光围浅景深靓相，

立即透过智能手机发出去 Facebook 又得， Line又得，Whatsapp又得，得左!!!　

一直以来我都好唔明，点解要另外买个摇控器，带多一件野唔在讲，次次用咩? 唔系次次用，但要次次带，

保证系白白带出去无用多，但唔带，万一要用起上来又无得用，点解唔用相机时间掣呢?

今次推出智能手机版就正啦，唔通会唔记得带智能手机咩，

唔记得带记忆卡就会，今时今日，点会唔记得带手机架?

你睇，用呢个摇控影完，仲可以唔需走埋去部相机睇，就咁用返架智能手机个屏幕睇，

唔得咪影到得为止，唔需要走来走去? 

合用咪即时发出去 Facebook 又得， Line又得，Whatsapp又得，得左!!!

~~~系咪好开心呢? 

呢部机，日本官方网页有好细张的Sample相睇，有兴趣可以去望望。

http://cweb.canon.jp/eos/lineup/6d/image-sample.html

梦就发完喇~~~睇下新闻稿，作进一步了解。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。