Factory Format 

發佈日期 : 2012年 6月16日    圖 / 文 : 巴斯

昨晚黃昏，紅色小人Line我，話我知，如果我覺得部 Note 升級後，覺得部機比之前慢，而且耗電比之前快，

可以選擇把 Note做  Factory Format ，方法非常簡單，小學生都識，前段過程只需約十至十五分鐘完成。

紅色小人做完呢個工作之後，話效果良好，所以通知我去做呢個  Factory Format 。

不過做  Factory Format 要面對 Note 內的聯絡人資料，相片，網址..............乜都無晒，同買部新機返來時一樣。

所以做之前，要把 Note 內上述的資料備份。

但所有 apps 都唔需要理會，因為有 Gmail戶口的關係，  Factory Format 之後，

無論是附費或是免費，部機都會自動把所有apps，一一自動為你 Download 和 安裝返晒落部 Note內。

咁咪即係約要成功，必先自宮 ? 無法啦，可以使部機反應正常返，唯有一試啦，何況方法咁簡單，反而係備份仲麻煩添。

 Factory Format 方法

把所有資料都備份好之後，而又確保部機充滿電的情況下，就可以進行 Factory Format 。

呢個方法簡單到只有一步，就係打電話，無錯係打電話，唔係輸入網址，我講多一次，係打電話，

下圖所見到的畫面，就係 Note 打電話的介面，

與平日想打電話比朋友的方法一樣，照足下面呢個號碼和符號輸入，當輸入埋最後呢個  #  鍵，

連 Enter或撥出鍵都唔需要按，部 Note 就立即做野。

當輸入最後那個  #  鍵，部機就會出現呢個畫面，

那就代表正進入了 Factory Format ，右手邊的白圈，會不停咁轉動，代表正在工作中，

接下來係最重要的動作，就係唔好掂部機，淨Un腳，係咁Un，同時口中不停叫住 avbuzz.com個名  ^_^ 

呢段期間，這個畫面係唔會轉變，白圈依然是自己在轉動著。

只要一直Un腳同埋叫住 avbuzz.com個名，大約十至十五分鐘後，

部機就會自己 Reboot ，情況同平日重新啟動部Note所出現的畫面咁上下。

再多等幾秒，就會出現呢個畫面，當然都係唔好掂部機，由得佢自己運作。

再多等一至兩分鐘咁上下，就可以見到呢個畫面。

咁 前段 就大功告成了!!!!!!!整個 前段 花了大約十至十五分鐘就完成了。

後段開始

點解我用 前段 來形容呢，因為 Factory Format 無錯係完成了，

不過部機現在與剛剛買返來的 Note係一樣，乜 app 都無。

接下來的後段，就係把屬於自己名下的 apps ，一一安裝返晒。

但請放心，只要輸入自己一直用開的 Gmail 戶口號碼，

部機就會自動裝返晒所有屬於自己名下的 apps ，過程唔需要用人手選擇乜 apps物 apps。

由於部機要一個接一個地 Download大量屬於自己的 apps，所以順手開返個 Wi-Fi 比部機自己做野，咁就放心得多。

如圖選擇 Sign in。

 入返平日在 Gmail 收電郵的Login和Password就得架喇。

無其他野需要填，期間只係有免責條款要按是或否。

 最後就按下圖所見的Finish就可以了。

後段所需時間，就視乎自己擁有幾多 apps ，如果只得一個 apps的話，咁一兩分鐘就完成晒呢個後段部份架喇。

但如果擁有100個 apps，咁佢又要 Download，又要裝，加上如果唔好彩，家居上網又慢，咁就可以裝好耐都未裝完。

所以呢個後段時間，每個人的等候時間都唔一樣喇。

只係輸入Gmail戶口號碼和密碼，同埋確認了免責條款，佢就智能地彭彭聲，把所有屬於自己名下的 apps，

一一Download和安裝，完全自動化。

呢段等候時間，如果係都要用部 Note 來打電話或上網都可以，

佢一樣容許咁做的，不過想快D安裝好晒所有 apps，咪忍下手囉。

好~~~~接下來坐享其成，先去睡覺。

雖然 apps 係自動一一幫手裝好晒，一個裝完又自動裝第二個，直到裝晒為止，

但個人設定，包括所有戶口號碼呀，網址呀，用乜野輸入法呀，Router的密碼呀..........呢一大堆野，都要親自用人手設定返晒。

例如我明明把屏幕亮度調到最光最亮，但睇網頁時，畫面就屬於低光模式，

原來瀏覽器預設並不是跟屏幕的設定，所以再要在瀏覽器的設定內，把亮度推到適合我的盡光。

部 Note 最值錢之一就係個靚畫面，家陣為慳電，要我忍受用低光模式? 佢無野下化!!!

唔夠電咪帶多幾粒電跟身囉，高清畫面變低清畫面，佢就真係慳D喇~~~~~

完成後，我自己用相機功能時，係最覺得部機正常返，因為之前使用各相機 app，起動和Save都慢，切換功能時都慢，

做完  Factory Format 之後，呢方面有明顯改善，其他就要我有空再試清楚了。

多謝紅色小人報料~~~

又來到免責條款的時間喇，以上  Factory Format 方法，並唔係教學方法，只係記述我個人做呢件事的過程，

 做 Factory Format ，絕對有機會使到部 Note 變成磚頭，而喪失任何賠償和保養，

我個人唔建議別人做 Factory Format 呢個咁危險的動作，但我自己做自己負責。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。