Factory Format 

发布日期 : 2012年 6月16日    图 / 文 : 巴斯

昨晚黄昏，红色小人Line我，话我知，如果我觉得部 Note 升级后，觉得部机比之前慢，而且耗电比之前快，

可以选择把 Note做  Factory Format ，方法非常简单，小学生都识，前段过程只需约十至十五分钟完成。

红色小人做完呢个工作之后，话效果良好，所以通知我去做呢个  Factory Format 。

不过做  Factory Format 要面对 Note 内的联络人资料，相片，网址..............乜都无晒，同买部新机返来时一样。

所以做之前，要把 Note 内上述的资料备份。

但所有 apps 都唔需要理会，因为有 Gmail户口的关系，  Factory Format 之后，

无论是附费或是免费，部机都会自动把所有apps，一一自动为你 Download 和 安装返晒落部 Note内。

咁咪即系约要成功，必先自宫 ? 无法啦，可以使部机反应正常返，唯有一试啦，何况方法咁简单，反而系备份仲麻烦添。

 Factory Format 方法

把所有资料都备份好之后，而又确保部机充满电的情况下，就可以进行 Factory Format 。

呢个方法简单到只有一步，就系打电话，无错系打电话，唔系输入网址，我讲多一次，系打电话，

下图所见到的画面，就系 Note 打电话的介面，

与平日想打电话比朋友的方法一样，照足下面呢个号码和符号输入，当输入埋最后呢个  #  键，

连 Enter或拨出键都唔需要按，部 Note 就立即做野。

当输入最后那个  #  键，部机就会出现呢个画面，

那就代表正进入了 Factory Format ，右手边的白圈，会不停咁转动，代表正在工作中，

接下来系最重要的动作，就系唔好掂部机，净Un脚，系咁Un，同时口中不停叫住 avbuzz.com个名  ^_^ 

呢段期间，这个画面系唔会转变，白圈依然是自己在转动着。

只要一直Un脚同埋叫住 avbuzz.com个名，大约十至十五分钟后，

部机就会自己 Reboot ，情况同平日重新启动部Note所出现的画面咁上下。

再多等几秒，就会出现呢个画面，当然都系唔好掂部机，由得佢自己运作。

再多等一至两分钟咁上下，就可以见到呢个画面。

咁 前段 就大功告成了!!!!!!!整个 前段 花了大约十至十五分钟就完成了。

后段开始

点解我用 前段 来形容呢，因为 Factory Format 无错系完成了，

不过部机现在与刚刚买返来的 Note系一样，乜 app 都无。

接下来的后段，就系把属于自己名下的 apps ，一一安装返晒。

但请放心，只要输入自己一直用开的 Gmail 户口号码，

部机就会自动装返晒所有属于自己名下的 apps ，过程唔需要用人手选择乜 apps物 apps。

由于部机要一个接一个地 Download大量属于自己的 apps，所以顺手开返个 Wi-Fi 比部机自己做野，咁就放心得多。

如图选择 Sign in。

 入返平日在 Gmail 收电邮的Login和Password就得架喇。

无其他野需要填，期间只系有免责条款要按是或否。

 最后就按下图所现的Finish就可以了。

后段所需时间，就视乎自己拥有几多 apps ，如果只得一个 apps的话，咁一两分钟就完成晒呢个后段部份架喇。

但如果拥有100个 apps，咁佢又要 Download，又要装，加上如果唔好彩，家居上网又慢，咁就可以装好耐都未装完。

所以呢个后段时间，每个人的等候时间都唔一样喇。

只系输入Gmail户口号码，同埋确认了免责条款，佢就智能地彭彭声，把所有属于自己名下的 apps，

一一Download和安装，完全自动化。

呢段等候时间，如果系都要用部 Note 来打电话或上网都可以，

佢一样容许咁做的，不过想快D安装好晒所有 apps，咪忍下手啰。

好~~~~接下来坐享其成，先去睡觉。

虽然 apps 系自动一一帮手装好晒，一个装完又自动装第二个，直到装晒为些，

但个人设定，包括所有户口号码呀，网址呀，用乜野输入法呀，Router的密码呀..........呢一大堆野，都要亲自用人手设定返晒。

例如我明明把屏幕亮度调到最光最亮，但睇网页时，画面就属于低光模式，

原来浏览器预设并不是跟屏幕的设定，所以再要在浏览器的设定内，把亮度推到适合我的尽光。

部 Note 最值钱之一就系个靓画面，家阵为悭电，要我忍受用低光模式? 佢无野下化!!!

唔够电咪带多几粒电跟身啰，高清画面变低清画面，佢就真系悭D喇~~~~~

完成后，我自己用相机功能时，系最觉得部机正常返，因为之前使用各相机 app，起动和Save都慢，切换功能时都慢，

做完  Factory Format 之后，呢方面有明显改善，其他就要我有空再试清楚了。

多谢红色小人报料~~~

又来到免责条款的时间喇，以上  Factory Format 方法，并唔系教学方法，只系记述我个人做呢件事的过程，

 做 Factory Format ，绝对会使到部 Note 变成砖头，而丧失任何赔偿和保养，

我个人唔建议别人做 Factory Format 呢个咁危险的动作，但我自己做自己负责。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。