最爱的相机盒

发布日期 : 2012年 5月16日    图 / 文 : 巴斯

今日真系好开心~~~因为我行了好好好好耐都找唔到的一个，唔知是否存在的相机盒，这日终于出现在我眼前。

我要求好简单，其实只系要一个够贴身的箱，用来摆放NEX-7 相机加 18-200镜头，

目的系要与 (侧咩袋 )内的杂物放在一起，唔会弄花机身就成。

但无奈一直都未能找到适合的，一系就好大个，一系就唔够实净。

图中呢个就系我搵了好耐的相机盒了，样子一点不好看，仲好老套添，

但唔紧要，因为佢永远只会放在 (侧咩袋 ) 内，永远唔会拿出来示人。

侧边仲有一个细空间来摆放后备电和读卡器，真系无敌。

你睇，个盖仲要系非常方便的开盖角度，连啪镂都要系最方便的磁石。

这条侧带我系唔会用的。

内里有最基本的保护，把整个相机盒放入 (侧咩袋 )内，

内里的杂物，就无法伤害到相机。

不过呢个相机盒只适合我个人口味使用，其他 NEX-7 加 18-200镜头用户系用唔到的。

一般用家对这个刚刚好能放入NEX-7 加 18-200镜头的设计，一定好反感。

但对一向不喜欢用遮光罩的我来讲就真系开心死。

你看，前后都无罩的情况下，是完美的贴身摆放，实在爱死她呢。

其他一向有用开前后罩的用家，一定讲晒 18个字粗口闹这个相机盒了吧。

所以我讲只适合我个人口味就系咁解。

真系刚刚好贴晒，但又可以好容易咁出入，

绝对唔系鉴硬来，简直系度身订做，所以越用越喜欢。

只要用呢个角度，把相机的手柄向上摆放，咁我今后一伸只手入 (侧咩袋 )内，

就可以直插手柄，把相机抽出来用，真系方便到无朋友。

平日我只需 18-200镜头，就可以满足到我 99% 的 Snap Shot 需求，所以呢个相机盒对我来讲好重要。

就系因为方便，所以我用(侧咩袋 ) 的时候，可以好方便咁在袋里把 NEX-7抽出来用。

呢份方便对我来讲真系好重要，只要取机麻烦，我就唔影架喇。

非常多谢上天给我找到一个我真系好有用的相机保护盒。

多谢~~多谢~~~再多谢。

200MM仲要乘 1.5 ，所以射程比较远，呢点也是我点解唔喜欢 Full Frame 机的其中一个歪理。

最重要系，如果呢枝 18-200镜头唔系咁细，点可能带出街四围走呢? 

我只系无意之中经过路上，就伸只手入侧袋内，把相机抽出来影，就系因为方便了我，我会影到。

70 - 200mm f 2.8 ? 我有丫，不过放在屋企里啰，丑唔丑呀，我好丑啰，原来镜头系买来放在屋企里的。

Note + app

对我来讲，系方便先决，虽然我拥有了上述一个咁方便的相机盒来放相机，

但都方便唔过我用手机，我用手机影的相，数量系多过 NEX-7 的。

由于市面上大量相机 app，呢类发梦Feel加浓味精效果相，对很多大师级摄影师来讲，简直系不知所谓。

但我就最喜欢喇，无需要做后制，笃下就有效果，对我呢D乜都唔识的人来讲，成功感好大。

如果唔用呢类app，我影一世都唔会影到咁有Feel 的作品，可能你睇觉得离晒谱，

但最紧要，我无影响人又觉得开心咪得啰。

呢堆相，张张都系用 Note + app 的成品，无再经电脑后制（ 只系缩细原图和签名  )

就以同一个角度，与上面用 NEX-7 影的作比较，真系唔差好远，

咁当然啦，你可以话我唔识用 NEX-7 ，所以影到手机都靓过佢。( 我唔反对架 ) ^_^

无野好得过自我陶醉吧，完全因为呢份成功感，所以我先会影得多。

对我来讲，方便真系好紧要，几优质的相机，只放在家中有鬼用咩，都不及放在裤袋的一部兼容相机功能的手机。

就算系放背囊都死，取机咁麻烦，我情愿唔影了。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。