复仇者联盟 The Avengers

万众期待的复仇者联盟 The Avengers 终于在香港上画了，你睇爆到呢~~~~~

当然啦，如果近日连呢套戏都无睇的话，边有话题同人讲架? 何况长假期又来到，唔通留在家中发毛咩，到戏院睇戏系一个唔错的娱乐嘛。

感激片商提供非虐待 2D版本，等我可以有机会入场，片长 142 分钟，即系接近两个半小时，如果要对双眼硬食 3D的话，

无得欣赏画质唔在讲，仲要面对呕吐不适的感觉，如果无 2D版本，我情愿唔睇喇。

虽然逃过3D扼运，但原来也逃不过 4D 缩命，点解系 4D，因为夏天来了，

我唔好彩啰，有狐仙坐到正我前面，嗅到呢...........被臭氧层包住足足两个半小时呀~~散场时几惊自己因缺气而死啊。

仲未算，居然有家长带埋BB仔，我强调唔系小朋友，系BB仔来睇 The Avengers ，

哗~~动作片喎，系咁炸架喎，如果那个BB唔吓到喊，一系佢失聪，一系就套片斋讲唔打闷死人。

之后就比人闹爆，但父母居然仲驳咀，最终当然犯众憎啦，佢离场时我差点企起身拍掌兼叫好啊。

讲返套戏，好正，全片八成都是系咁打!!打!!打!!同埋打!!，而且尾段仲好似烧烟花咁爆到九彩，好爽呀~~~~

打得好睇时，又有笑料，系近年难得一套好的荷里活动作片，不过我睇应该洗了唔少钱，但我觉值得丫。

呢堆美国漫画英雄片，之前独立以个人方式上画时，套套都对我来讲好无瘾，尤其系美国队长，闷到我想死。

就算系 Iron Man 2 都系唔惦，不过今次呢套就正到无朋友，全片最抢镜一定系 Iron Man ，

睇完呢套戏，使我更加爱上 Iron Man ，无论系 Robert Downey Jr. 定系 Iron Man 都系咁有型。正!!!!

次选系变身后的变形侠医，虽然好后期先变身，但胜在打得精彩同埋搞笑啰。

片中叫做第一女主角的 Scarlett Johansson ，真系好唔惦，跌晒Watt ，我投入唔到佢叫靓啰，仲好肥添。

返而片中今次做 Samuel L. Jackson的女助手 Cobie Smulders 就好得啰，

她无论样子，身形比例，身高，演技.......一一都好过 Scarlett Johansson ，好想 Scarlett Johansson和 Cobie Smulders 对调角色来做啰。　

你睇佢两个样，高下立见啦下话~~~眼有眼输，鼻有鼻输，咀都输埋，入场睇埋演技，输晒。

呢只港版蓝光碟我买硬架喇，唔该快D出，我想用家中器材睇多次，因为里面都有几段可以用来爆机用，

　丫........提提你，套戏做完的一刻，唔好第一时间离场，因为有一个片段在后面，留步睇埋片尾丫唔该。

在呢段等候期，画面会播出各英雄人物身上的武器大特写，拍得好靓架，系咁播住来等会出现的片尾，所以系唔会闷的，放心。

你睇佢之前导演过什么片? 而且今次的故事佢都有份参与架。

无打算入场的朋友，睇完以下片段，看看会否改变你的主意呢?

女仕们夏天都穿得比较单薄，来到冷气冻的电影院里，尤其穿吊带裙而且体重不够100磅的女仕，脂肪含量小，

电影院有提供披肩免费借用，但需要按金，当散场时把披肩交回电影院，可取回全数按金。

ISQUARE IMAX 属于UA 院线，和UA朗豪坊一样，可在小食部和职员讲，交$100按金后，职员就会交上披肩和借用证。

和圆方的披肩作比较的话，UA院线披肩质地比较厚，而圆方披肩比较薄，需要对摺来达到保暖，

而UA院线质料比较厚，无需对摺也可有保暖较果，而且那个厚厚质感，对女仕来讲也有一点安全感。

但质料最好，而且独立包装，加上$40按金的海运( 嘉禾院线 )的披肩，是全线最好的披肩。

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

Scarlett Johansson	Cobie Smulders