SONY E 18-200mm f/3.5-6.3

旅行镜

发布日期 : 2012年 2月3日    图 / 文 : 巴斯

相机初四落订，最乐观都要2月中先有货，但人就初五离港，无新相机的旅行会好闷，

红色小人好好，把新购入的NEX-7借我用，而银手借我旅行用镜头  18-200mm f/3.5- 6.3 ，真系好多谢他们呀~~感激~~感激。

18-200mm 又名天涯镜，意思系一镜走天涯，非常适合我呢D唔想一日换镜换到黑的人用。

旅行期间通常都系乱影一通，风景....食物.....乜都影一餐，如果成日换镜头，换多两换都唔想影了。

呢枝镜头个样真系衰到无朋友，起初连收短镜头都觉得好呕心，

经过七日的相处，依家接受到佢收短时的状态，原来好好握手。

在旅行期间，一点都无觉得佢麻烦，不过都系未能接受到佢伸长时的样子，

当佢伸长条颈，我真系唔够胆同佢有任何眼神接触呀，不过其他人都睇到晒，超异相劲样衰。

NEX-7焦距变换比率为 1.5 倍，咁即系 200mm实际等于 300mm 。

咁18mm ( 27mm ) 和 200mm ( 300mm )即系几远呀?  得个数值，我都唔你讲乜 ? 

呢张相系用18mm ( 27mm ) 影的，咁Zoom尽 200mm ( 300mm ) ，可以见到几近呢? 

好~~~~等我 Zoom.................

噢~~~~~唔少心撞到正添~~~~不过D毛转得几好睇啊~~~~

唔算~~~唔算，再Zoom过，就以呢张相为例，究竟系什么建筑物呢?

图中红圈所见系有写属于什么建筑物的，不过在18mm ( 27mm ) 之下睇唔到。

咁Zoom埋去睇睇是否见到写乜先。

我 Zoom.................

Zoom尽 200mm ( 300mm )好正呀。

唔~~~~~原来系叫小巨蛋 。

再试多一张丫，不如影呢座朝，

系用18mm ( 27mm ) 影的，咁Zoom埋去睇睇是否见到写乜先。

我 Zoom.................

Zoom尽 200mm ( 300mm )之后，睇得清楚唔清楚呢?

我收晒货啦。

焦距咁长，你睇，影呢件垃圾都唔错丫。

 Zoom 尽 200mm ( 300mm )的效果就睇过了，咁埋身呢? 一味系咁影远景，唔系办法架。

旅行相好多时候都要影埋身野，尤其系食物相。

镜头质素唔好的话，影到D食物无质感就死得，而对焦距离越近越好，咁样会更方便。

呢枝镜头最近对焦距离系 30cm，以一镜走天涯来讲，好满意。

图中右手边的一粒粒鸡脚纹正唔正呀?左手边的反光肉质，就算吸引唔到你食欲，都无可能使你反感挂。

拿，咁近都可以丫，天涯镜影食物影到咁，仲边有投诉架。

如果唔满意咪换镜头啰，定焦好唔好? 我就无呢个耐性喇。影完拿拿临食啦，仲搞，啰奖咩?

一向对手唔够定的我，由于唔想烦，就算日光日白都把 ISO锁定为 1600，光圈尽开，快门就可以多一点空间比我自己，

以一张记录相来讲，影得好开心，闻相免问。

连蜘蛛仔都影到架，如果咁样质素都唔满意，系都要我换镜头，我情愿唔影了。

台湾人好喜欢带狗狗出街，NEX-7的 LCD是可调校角度，所以拍摄狗狗时，

都可以接近水平的角度来构图，方便到不得了。

由于容易得手，成功感自然大，影得自然多。

唔系单镜机，无需连我自己个头都和狗狗平水平，我只看着调校好角度的 LCD 屏幕构图。

快手把相机放在它们面前，由于快的关系，她们反而好奇想知你放什么在它们面前，所以会见到它们都望镜就系咁解。

不过机会只得一次，错过了的话，它们知道发生什么事，就唔再上当架喇。

如果用单镜机，佢见到我个头对住佢，它们一定避开。

当然单镜机用好Wide的镜头，都可以用相同手法盲目去拍的，不过有点撞彩吧。

虽然容易影到狗狗，但 Shutter 声会使它们有警觉。

卡擦

噢~~~~被它发现我偷影佢添。

教主讲过无野系完美，如果呢枝镜真系天下无敌，咁买其他镜的人一定系白痴啦，

这枝镜在 18mm之下依然是会变形的，不过又系果句，唔满意吗? 

换镜头丫，又或者唔影，唔影会唔会死丫，唔会。

第一次见到天灯实物，原升上天的速度好快，这个晚上用NEX-7，无脚架用呢枝镜来影。

天灯唔飞的时候，就算无脚架，一D问题都无架，几Sharp几光。

一起飞~~~~原来个飞天动作好快架，一飞上去影得几张，加上好多人，埋唔到去，用长焦自然手震。

只一张叫做影到，其他通通填海。

傻仔，影天灯当然系用单镜机加脚架啦~~~~

如果咁都比我博到懵，真系天无眼喇~~~

只要系静态，唔系闻相，ISO 1600 的夜景都收货架喇。

不过我还是喜欢用 NEX-7 加呢枝镜来影食物。

一来我可以企开少少，在唔阻住人的情况下 Zoom埋去影我想影的角度。

当要埋身影的时候，只要Zoom一Zoom，同样可以满足到我近距离的需要。

颜色 ? 你话呢 ? 

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。