SONY STP-WS1 皮手腕绳

发布日期 : 2012年 2 月23日    图 / 文 : 巴斯

仲未有相机到手，但系手绳就一早睇中，呢条系 Sony 自己出品的手绳，售$190。

虽然我觉得一点都唔平，但佢拥有的功能，是我个人能力无法找到其他代替品，最终都系买佢。

用佢来影相会靓 D ? 我话系，你信唔信先 ?  ^_^

手绳通街都系，但无一条合我心意，一系个款唔得，一系个色唔得，一系就无得索手腕，总之硬系无一条合我心意。

唔知系我黑仔，定系本身货量唔多，我行过几间Sony专门店，都刚刚好卖晒。

其实无相机的我，根本就唔急买手绳，唔知点解，硬系要摸下，见下实物先得安乐。

呢日经过海港城 Sony Store，居然见到有几条咁多，虽然未有机，为免到时有机到手，又轮到手绳缺货，都系死死地气买左先。

你睇我几咁可怜............买完之后仲要比我见到呢张咁型的海报...............

机呀机，你几时先到货架，年初四到依家，真系等到颈都长喇~~。

等呀等，等呀等，前晚，望穿秋水的NEX-7终于到手，咁呢条手绳就可以和相机结合了，呢条手绳吸引我最主要系有三点 : 

第1 : 绳头够粗

市面上的手绳，连接相机或手机扣呢个部份的绳头，一般都好幼，无见过好似呢条咁粗，安全感好重要架，

你话影影下，因为条带幼而磨断左，连机带镜飞落地，噢~~~~~想起都觉得痛啊~~~

第2 : 有得索

你睇，条手绳仲有得索手腕，呢个防脱手惨剧发生的设计，你话喇，呢 $190系咪值得比先。

第3 : 黑色

颜色对我来讲好重要架，手绳同机身一样颜色的话，会自然好多，唔会同NEX-7争抢风头，完全低调 ( 似我 ) ^_^，

你睇条手绳配上NEX-7之后几型，实在爱死她。

你睇红色小人借比我果部机用条咁样的手绳，真系好骑呢，我完全唔想正视佢，衰相到呢~~~搞乜野啊。

但红色小人好喜欢架播，无法啦，部机问佢借嘛。

拿拿拿，你话喇，你要边条手绳丫? 

红色小人果条好D? 咳咳.......无野喇...........

图为呢款手绳的前后包装样子。

背面附有使用图示和产地来源。

附在包装上的状态非常之好，因有三点鱼丝固定位置，所以Show出来时，无论是垂直挂着，或平放，手绳都能保持最佳Pose。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。