终于得手了

发布日期 : 2012年 2月25日    图 / 文 : 巴斯

年初四订机~~~等等等，系咁等，等到呢日黄昏时份，

终于可以等到电话去取货，真系安乐晒喇。

店员话呢部机，外面好多人炒，

不过我订机之后都无理会过佢的消息，正所谓事不关己乜乜物物，外面有无货都唔关我树，只知道现在可以有机用就得喇。

初四订货时被捆绑式一机一镜，只可以选择 24mm  f1.8 连机，无其他镜选，更加无净机订，一系订一系唔订。

呢枝镜质素好唔在讲，虽然系定焦镜，但最近对焦距离近到 0.16 米，方便到无朋友，

大部份我要影的个人取向，佢都大部份满足到我，系心目中第一志愿必买镜头，就算唔捆绑都自动买啦。

呢枝蔡司 24mm  f1.8 镜头，质素超高，

上次辑 雾锁山顶  试机相依家个心仲卜卜跳。

店员好心机帮手贴保护贴，靓仔晒~~~~

好可惜当时刚好卖晒 49mm 防UV镜片，唯有去别处买啦。

雷霆救兵话咁细枝镜，无需防撞花镜片，所以佢索性唔用，你话系咪型得来好有性格呢~~~

我唔得呀，我用机好粗，无保护死硬。

我用防UV镜片最主要系我唔想用个镜头盖，每次取机出来时，要开镜头盖，阻住我影相速度，

所以用块防UV镜片，作为保护个镜头用，今后都唔夹返个镜头盖了。

用了防UV镜片保护，唔会直接弄花个镜头，就算系花，咪由得个防UV镜片做替死鬼啰，

花得太离谱到时再换个另一块，最重要系唔好比个镜头盖，阻头阻势。

每次把相机拿出来时，都唔可以第一时间影相，点都要把镜头盖夹开先，对 Snapshot 来讲，真系阻手阻脚。

夹开了之后，究竟个镜头盖收在手心，定收返落裤袋先影丫? 搞得来我都影左啦~~~~

就算镜头盖有条绳都唔型仔啦，何况都无丫，每次影完又要夹返埋个镜头盖，边有咁得闲服待佢呀。

乜都系假，最紧要够爽，一抽出来就影，要我为了一个镜头盖而烦，

正所谓本无一物........唔该唔好烦我。

讲开本来无一物，一般使用者，为避免不必要的外来扰光进入镜头，影响最佳成像，都会用上遮光罩，

不过我个人关系，一来唔喜欢遮光罩阻位，二来反而喜欢有适量扰光入镜头 ( 古怪口味 ) ，所以一向都无用遮光罩呢个习惯。

用家购买时Filter，紧记留意该款Filter，是否能接上遮光罩，否则用了Filter，用不了遮光罩，咁就唔开心喇。

接下来就系去找一个给我用最短时间，就可以把相机抽出来影相的相机袋，希望找到啦。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。