零成本玩 AirPlay

零成本玩 AirPlay

發佈日期 : 2012年 1月18日圖 / 文 : 巴斯

屋企無新款 av amp 唔代表無得玩 AirPlay，如果用戶正是蘋果教擁有 i 乜 i 物的用家，

用戶只需要在 Window 電腦上安裝呢個名為 Shairport4w免費軟件，

咁手上的 i 乜 i 物，播歌時，可在無線接駁方式下，在電腦出聲。

由於 i 乜 i 物本身體內的喇叭唔會太好聲，而來到電腦呢邊，通常會有電腦喇叭，咁一定能提升音質。

而安裝過程簡單到不得了，小學生都識用，成效方面，訊源越差，收益越高。

以下就用過期 iPod Touch 來做示範，內置喇叭衰聲到無朋友，用緊 iPhone 有佢的功能，基本上呢部 iPod Touch 都係一碌廢柴，

幸好 iOS 4.2或之後的韌體更新， i 乜 i 物就可對應 AirPlay。

這日掘返佢出來，透過呢個軟件，起死回生。

例如公司部電腦，又點可能入歌仔落去呢，如果想用公司部腦來聽歌，咁有了呢個免安裝綠色軟件，

咁你褲袋裡的 i 乜 i 物，就成為你公司的流動音樂庫喇，而且所播放的曲目，仲係你喜歡的歌曲添~~~~

最好就係無手尾跟丫嘛~~~

今年有客人來拜年，就用佢威返次比各位街坊父老睇!!!!!!因為用他們帶來的 i 乜 i 物，都可以在你家中電腦上發聲。

正所謂養兵千日，乜乜物物，揚名立萬就係靠佢架喇。

Go~~Go~~~Go~~~~

以下一步到位的連結，Click下去，等大約 6秒，就有個 zip 檔出來給人 Download。

得手後爆開佢，就可以得到呢個免安裝綠色版本軟件，過程非常容易得手。

只要 Click佢個 icone 就會出現以下呢個表，按 Change 鍵，

然後在 Airport name 內，改自己喜歡的名字，

再位於密碼裡，求其作一個你自己容易記得的密碼，再按 OK 鍵，咁就完成電腦呢一邊的首次設定架喇。

留意： Airport name 絕對唔可以用中文字命名，因為無法對應中文，佢會搵唔到架。

現在， i 乜 i 物無需安裝任何 app 為大前題下，

只要家居是有把電腦接駁 router ，而又和 i 乜 i 物共用同一個無線網絡，

咁 i 乜 i 物播歌時，就會出現圖中右下角，好似信封咁樣的鍵，

篤入去，就可以見到早前在電腦上所改的名。

由於是需要作第一次配對，所以要問密碼，輸入早前在電腦，自己設定的密碼就可以了。

成功核實之後，除非日後去電腦度改密碼啦，否則今後都唔會再煩用家架喇。

以後就會直入操作介面，不來這裡了。

今後每次按個好似信封咁樣的鍵，用家就可以選擇在那一個位置發聲。

透過 i 乜 i 物來無線播放，聲音大小調校，切換歌曲，依然是由 i 乜 i 物來操作，隻手無需接觸電腦。

播歌，只係使你得到初步理解什麼是 Shairport4w AirPlay，事實上 AirPlay 笨唔只係播歌咁簡單，

只要 i 乜 i 物有聲出，基本上就會在電腦出聲，

即係用 i 乜 i 物上網睇 Youtube，睇 My TVB..............都可用這方式在電腦以AirPlay發聲。

但依然可拿著 i 乜 i 物通屋走而又可以調校聲音大小。

零成本的功能，你仲唔起行? 快來享受AirPlay 零成本為你帶來的樂趣吧。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。