零成本玩 AirPlay

零成本玩 AirPlay

发布日期 : 2012年 1月18日图 / 文 : 巴斯

屋企无新款 av amp 唔代表无得玩 AirPlay，如果用户正是苹果教拥有 i 乜 i 物的用家，

用户只需要在 Window 电脑上安装呢个名为 Shairport4w免费软件，

咁手上的 i 乜 i 物，播歌时，可在无线接驳方式下，在电脑出声。

由于 i 乜 i 物本身体内的喇叭唔会太好声，而来到电脑呢边，通常会有电脑喇叭，咁一定能提升音质。

而安装过程简单到不得了，小学生都识用，成效方面，讯源越差，收益越高。

以下就用过期 iPod Touch 来做示范，内置喇叭衰声到无朋友，用紧 iPhone 有佢的功能，基本上呢部 iPod Touch 都系一碌废柴，

幸好 iOS 4.2或之后的韧体更新， i 乜 i 物就可对应 AirPlay。

这日掘返佢出来，透过呢个软件，起死回生。

例如公司部电脑，又点可能入歌仔落去呢，如果想用公司部脑来听歌，咁有了呢个免安装绿色软件，

咁你裤袋里的 i 乜 i 物，就成为你公司的流动音乐库喇，而且所播放的曲目，仲系你喜欢的歌曲添~~~~

最好就系无手尾跟丫嘛~~~

今年有客人来拜年，就用佢威返次比各位街坊父老睇!!!!!!因为用他们带来的 i 乜 i 物，都可以在你家中电脑上发声。

正所谓养兵千日，乜乜物物，扬名立万就系靠佢架喇。

Go~~Go~~~Go~~~~

以下一步到位的连结，Click下去，等大约 6秒，就有个 zip 档出来给人 Download。

得手后爆开佢，就可以得到呢个免安装绿色版本软件，过程非常容易得手。

只要 Click佢个 icone 就会出现以下呢个表，按 Change 键，

然后在 Airport name 内，改自己喜欢的名字，

再位于密码里，求其作一个你自己容易记得的密码，再按 OK 键，咁就完成电脑呢一边的首次设定架喇。

留意： Airport name 绝对唔可以用中文字命名，因为无法对应中文，佢会搵唔到架。

现在， i 乜 i 物无需安装任何 app 为大前题下，

只要家居是有把电脑接驳 router ，而又和 i 乜 i 物共用同一个无线网络，

咁 i 乜 i 物播歌时，就会出现图中右下角，好似信封咁样的键，

笃入去，就可以见到早前在电脑上所改的名。

由于是需要作第一次配对，所以要问密码，输入早前在电脑，自己设定的密码就可以了。

成功核实之后，除非日后去电脑度改密码啦，否则今后都唔会再烦用家架喇。

以后就会直入操作介面，不来这里了。

今后每次按个好似信封咁样的键，用家就可以选择在那一个位置发声。

透过 i 乜 i 物来无线播放，声音大小调校，切换歌曲，依然是由 i 乜 i 物来操作，只手无需接触电脑。

播歌，只系使你得到初步理解什么是 Shairport4w AirPlay，事实上 AirPlay 笨唔只系播歌咁简单，

只要 i 乜 i 物有声出，基本上就会在电脑出声，

即系用 i 乜 i 物上网睇 Youtube，睇 My TVB..............都可用这方式在电脑以AirPlay发声。

但依然可拿着 i 乜 i 物通屋走而又可以调校声音大小。

零成本的功能，你仲唔起行? 快来享受AirPlay 零成本为你带来的乐趣吧。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆ avbuzz.com精神，人人毒我，我毒人人 ◆

　谢谢收看这篇文章，你是第个收看这篇文章的读者。