PowerAMP

发布日期 : 2011年 12月30日    图 / 文 : 巴斯

倒米的播放器

原生在 Note身上的废中废播放器，使人误会 Note 用耳机听系非常衰声，睇过不少用家报告都闹到反转，

其实系该个播放器衰声，唔关 Note 事。

由 iOS 移民到 Android ，对我呢个新移民来讲，需要有适应期，电脑内所有歌曲都是 AIFF 档，

呢个废中废跟机播放器，根本就唔对应 AIFF 档，千万唔好叫我把整个音乐库转一次，我一定唔会咁做。

幸好有解决的 app推出，用户只要安装一个叫 PowerAMP 的 app，就可以好快乐咁欣赏到好正的声效，

唔单只解决 Note用耳机听歌衰声问题，而且仲对应 AIFF 档。

 呢个 app之所以有好的声效，因为佢调声工具了得，可因个人喜好而作出调校。

经过幼儿式的按键调校后，出到呢个声我真系好满意架喇，手机来架炸~~~我个人感到前所未有的满意。

咁都唔够靓声? 明架喇~~~明架喇~~~高要求丫嘛，可多带一个超靓声的播放机，再加多一个耳扩，

再配上一个同自己个头一样大的耳机，咁就 Very Good 喇。

不过 Note 体内的喇叭又真系比较差， PowerAMP 都救唔到佢，不过平日真系好少用喇叭直出声，用耳机多就真。

 Tone 

开启 Tone 的情况下，只需利用图中所示的三个键，就可以调出满意的声效，正到无朋友。

 EQ

如果用 Tone 调校完之后，还未达到满意的话，还可加入 EQ作微调，

图中所见的操作介面，就是这个 app的 EQ 功能。

可单独用又得，混合埋 Tone一起用又得，得左。

封面消失

虽然手上的AIFF档全都一早做好晒封面殖入体内，但好可惜，来到呢个 app上面，所有封面都无晒。

就以左图所见，播放忘记他这首歌时，只见到 PowerAMP字样，无封面，真系好唔开心呀。

在专辑图示方式下，都系有大量封面系出唔到，

我.........真系好想喊出来.........

笃实就有封面

不过唔紧要，只要部Note当时系处于上网状态，用手指笃实中间个 PowerAMP字样，

等一阵....( 两秒 ) 就会如右图，透过互联网，为用家找到近似的封套缩图回来选用。

留意，只要对其中一首歌咁做，属于呢只碟其他歌，都自动一起拥有这个封面，

即系话呢只碟有12首歌，并不需要做12次呢个动作，只需要做一次，就自动智能感染埋其他11首歌的封面，

真系开心到呢~~~~

图像版权问题 ? 唔...........呢个...........

咁......可能需要开一个史廖林白蔡律师联席会议先答到你，或者有答案先去用呢个功能会比较好。

如果唔想用网上找回来的版本，其实都可自己落手搞，搞完放返入手机内取用都可以，

不过我就无咁好心机喇，笃一笃就有，你叫我自己去做 ? 你玩得开心D啦。

选好封面之后，靓仔晒~~~

所以话，Hi-Fi唔只用来听，仲要用来睇架~~~　

  Hi-Fi 用来睇。Hi-Fi 用来睇。 

前	后
前	后

乱码问题

笃一笃，其实唔一定有封面架，除了网上不存在呢个封面外，乱码都会使到找寻封面失败。

在 iTunes上和 iPhone里，日日都用得好地地的的歌名和歌手名，有某部份移民过来 Note 后，有机会乱码。

呢D乱码通常系成只碟都一起乱，既然系乱码，咁搵错绝对系必然的事吧。

左图可见，本来呢首歌的歌手名系叫赵学儿，变成乱码，照笃.........咪找到呢堆封面啰，你话喇，点用!!!!!

如果有耐性和心机，咁改返正确名字的话先去笃........

咁就会找到近似的封面返来选用。

虽然系可以用人手修改返D名，但又歌名，又歌手名，同埋大碟名，首首歌系咁搞，

你搞埋我果份喇，我就无咁多时间一只一只字咁输入返去。

解决方法

透过以下这6步，进入设定就可以解决有关乱码问题。

More / settings /  aadvanced / Folders Library Scanner / Tag Encoding 

来到第 6步，只要把预设选取成 Chinese Traditional ( Big5) ，就可完成了。

Android Only

我意图八挂一下 apple store 有无呢个 app，答案系无，究竟系暂时无，定以后都无，咁就唔知喇，

如果你系 Android 用家，可去 Market 下载呢个app来用，听下系咪我讲到咁好声，

我自己都信唔过我自己，千其唔好信我讲，自己去试一下，然后比个答案自己。

有试用版和收费版本  (港币 $40.25 ) 选择，试过好用的话，咪买来用啰，唔好比人话有钱买机，无钱买 app 嘛。

$40港币可以改善部接近$6000的手机听歌质素，你话比我知值唔值喇~~~。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。