今日,君再來

發佈日期 : 2011年 8月13日

今日唔係我生日,但黑膠樂園版主 Lee HC約我去行電腦節,仲借了套剛推出的今日,君再來CD套裝給我品賞。

透過手的比例,可大約猜想到實物大小。

由字面可猜想到這套 CD碟,是屬於日本版曲目。

收納全套 27輯當年在日本推出的黑膠版本,有幾隻黑膠版本,今日炒到$3000一隻,

而部份根本從無推出過CD版本,今日以復黑王方式推出限量 1000套,吸引不少歌迷。

炒號碼

每盒都有獨立篇號,呢盒係咪靚篇號? 唔算掛........

呢套碟 Lee HC在早兩日旺角節拍,以港幣 $1350購入,當時他有問老闆有無號碼選擇,

原來在盒的低部,打上有不同號碼,配不同價錢牌,Lee HC話市面上靚號碼暫時最貴是炒到 $1800。

Lee HC不是追求這一些的人,所以只買平價就可以了。

購買前他有去過隔離威威店格價,威威店無號碼選,但就劃一價 $1480,這就是Lee HC之所以幫襯節拍買的最大理由。

不過..........事隔一日先去節拍買的銀手,同樣是求求其其買,但要 $1500先買到,嘩~~~~日日唔同價?

就咁聽 $1500一套碟,好似好貴咁,但除返開計....

  三下五落二,一退一還九

三七廿一,四八三十二,馬八進九,卒一進一,咁計法的話,圍起上來都係每隻$56,又唔係好名貴吧。

海報

購碟時,緊記提店員索取海報呀~~~因為係收藏品內容之一,無論你是否喜歡這張海報,都需要保存,

乜樣? 自己睇啦~~~~

 

開盒

唔............真係唔知點多謝Lee HC,佢自己都未開封,就比我開,點報答你好呀~~~

落刀的一刻,真係有點唔好意思。

 

好喇~~~拆走透明膠紙了,內裡的字可以睇得清楚一點了。

呢盒篇號係..................

咁算唔算靚號碼呀?

 

係咪日本做? 你話呢 ?

打開個盒先~~~~

嘩~~~~真係非常精美呀~~~就連個蓋低都一樣咁精美。

打開蓋之後,就可以見到 27套復黑王的七彩邊樣子。

 

在盒的底部同可見到 27套 CD曲目。

 

另外還有証書一張~~~~~

 

 

拆~~~~

不如抽是但一隻出來睇下丫,唔知內裡係點架呢? 好~~~~~~就抽呢隻先。

封面全都係日文字樣,照足當年在日本推出的黑膠唱片時一樣咁做法。

不過變成CD版後,個樣就Q好多,成件玩具咁款,就連側邊那條紙帶都做足。

每隻碟都用膠袋獨立裝,由於佢個袋唔係黃加藍變綠,

如圖所見的黏貼,相信開合幾次,個黏貼能力就玩完。

拿拿拿,又忍唔住要講下數碼化的好處喇,呢 27套碟,點可能座定定聽丫,

如果把她經過數碼化之後,今後就唔需要下下拆呢個有損耗性的袋,而且選歌方便好多添。

 

拆袋之後,就可以見到側邊的紙條,

同樣是可脫出,並唔係印在封套上就算。

 

丫~~~~咁好手氣 ? 一抽就抽中雙碟版本,

成套碟,只有兩套是屬於雙碟版,咁都比我抽中 ? 

硬硬的對摺封套中央,印有這碟的曲目歌詞,真係做得好好,收你 $56 ,不如你話比我知想點丫喇。

27套碟當中,這兩套是屬於雙CD版本。

兩隻黑膠碟就如圖放在獨立的空間內,

另有對摺歌詞可以在內裡找到出來,係咪好正呢~~~~

 

而CD碟身,都以彷黑膠表面而成。

表面除了扮返出來的坑紋,還有底衫啦,而表面也照足黑膠一樣,印有 33又1/2 轉的字樣。

反轉CD底部,可見是黑色面,理由無需我解話喇下話~~~

 

兩個絲印款式

27套CD碟,碟面只有如圖的兩個款式。

圖中所見,就是套裝內的 27套CD封面樣子了。

 

最特別

要數最特別的,要算是這一套了。

和其他復黑王一樣,也是有對摺歌詞和迷你海報仔,但呢一張笨唔係就咁一張迷你海報仔,而係一個月曆,還附有鄧麗君簽名字樣。

 

我用 iPhone Apps查過,呢個月曆的日期,真係屬於 1978年架!!!!!!

 

 

四款國語

27套CD當中,只有圖中這 4套是唱國語,其他 22隻都是唱日語。

另類收藏

呢隻緊要喇~~~~有乜特別? 比你估下先~~~

估唔到 ? 比少少貼士你丫~~~~

無錯喇~~就係伴唱碟喇。

有無九菜,無啦啦整隻無鄧麗君唱歌的伴唱碟? 邊個想出來放落呢套碟架?

 

雖然係伴歌碟,但一樣有日語歌詞睇住唱架。

 

好聲

後來我用自己的 2.1系統聽過,效果不錯,絕對唔係那些粗製之作,

加上銀手用他的兩聲道發燒器材聽過,都覺得這套碟屬於靚聲之作。

 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。