今日，君再来

发布日期 : 2011年 8月13日

今日唔系我生日，但黑胶乐园版主 Lee HC约我去行电脑节，仲借了套刚推出的今日，君再来CD套装给我品赏。

透过手的比例，可大约猜想到实物大小。

由字面可猜想到这套 CD碟，是属于日本版曲目。

收纳全套 27辑当年在日本推出的黑胶版本，有几只黑胶版本，今日炒到$3000一只，

而部份根本从无推出过CD版本，今日以复黑王方式推出限量 1000套，吸引不少歌迷。

炒号码

每盒都有独立篇号，呢盒系咪靓篇号? 唔算挂........

呢套碟 Lee HC在早两日旺角节拍，以港币 $1350购入，当时他有问老板有无号码选择，

原来在盒的低部，打上有不同号码，配不同价钱牌，Lee HC话市面上靓号码暂时最贵是炒到 $1800。

Lee HC不是追求这一些的人，所以只买平价就可以了。

购买前他有去过隔离威威店格价，威威店无号码选，但就划一价 $1480，这就是Lee HC之所以帮衬节拍买的最大理由。

不过..........事隔一日先去节拍买的银手，同样是求求其其买，但要 $1500先买到，哗~~~~日日唔同价?

就咁听 $1500一套碟，好似好贵咁，但除返开计....

  三下五落二，一退一还九

三七廿一，四八三十二，马八进九，卒一进一，咁计法的话，围起上来都系每只$56，又唔系好名贵吧。

海报

购碟时，紧记提店员索取海报呀~~~因为系收藏品内容之一，无论你是否喜欢这张海报，都需要保存，

乜样? 自己睇啦~~~~

开盒

唔............真系唔知点多谢Lee HC，佢自己都未开封，就比我开，点报答你好呀~~~

落刀的一刻，真系有点唔好意思。

好喇~~~拆走透明胶纸了，内里的字可以睇得清楚一点了。

呢盒篇号系..................

咁算唔算靓号码呀?

系咪日本做? 你话呢 ?

打开个盒先~~~~

哗~~~~真系非常精美呀~~~就连个盖低都一样咁精美。

打开盖之后，就可以见到 27套复黑王的七彩边样子。

在盒的底部同可见到 27套 CD曲目。

另外还有证书一张~~~~~

拆~~~~

不如抽是但一只出来睇下丫，唔知内里系点架呢? 好~~~~~~就抽呢只先。

封面全都系日文字样，照足当年在日本推出的黑胶唱片时一样咁做法。

不过变成CD版后，个样就Q好多，成件玩具咁款，就连侧边那条纸带都做足。

每只碟都用胶袋独立装，由于佢个袋唔系黄加蓝变绿，

如图所见的黏贴，相信开合几次，个黏贴能力就玩完。

拿拿拿，又忍唔住要讲下数码化的好处喇，呢 27套碟，点可能座定定听丫，

如果把她经过数码化之后，今后就唔需要下下拆呢个有损耗性的袋，而且选歌方便好多添。

拆袋之后，就可以见到侧边的纸条，

同样是可脱出，并唔系印在封套上就算。

丫~~~~咁好手气 ? 一抽就抽中双碟版本，

成套碟，只有两套是属于双碟版，咁都比我抽中 ? 

硬硬的对摺封套中央，印有这碟的曲目歌词，真系做得好好，收你 $56 ，不如你话比我知想点丫喇。

27套碟当中，这两套是属于双CD版本。

两只黑胶碟就如图放在独立的空间内，

另有对摺歌词可以在内里找到出来，系咪好正呢~~~~

而CD碟身，都以仿黑胶表面而成。

表面除了扮返出来的坑纹，还有底衫啦，而表面也照足黑胶一样，印有 33又1/2 转的字样。

反转CD底部，可见是黑色面，理由无需我解话喇下话~~~

两个丝印款式

27套CD碟，碟面只有如图的两个款式。

图中所见，就是套装内的 27套CD封面样子了。

最特别

要数最特别的，要算是这一套了。

和其他复黑王一样，也是有对摺歌词和迷你海报仔，但呢一张笨唔系就咁一张迷你海报仔，而系一个月历，还附有邓丽君签名字样。

我用 iPhone Apps查过，呢个月历的日期，真系属于 1978年架!!!!!!

四款国语

27套CD当中，只有图中这 4套是唱国语，其他 22只都是唱日语。

另类收藏

呢只紧要喇~~~~有乜特别? 比你估下先~~~

估唔到 ? 比少少贴士你丫~~~~

无错喇~~就系伴唱碟喇。

有无九菜，无啦啦整只无邓丽君唱歌的伴唱碟? 边个想出来放落呢套碟架?

虽然系伴歌碟，但一样有日语歌词睇住唱架。

好声

后来我用自己的 2.1系统听过，效果不错，绝对唔系那些粗制之作，

加上银手用他的两声道发烧器材听过，都觉得这套碟属于靓声之作。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。