一街都系 LG Cinema 3DTV 示范

发布日期 : 2011年 5月19日

近日经过几间大型电器店，都见到LG积极咁在场做了专用展示位，

你知啦，要放门口当眼位，仲要有个专用屏台，一定用一大笔钱架喇，睇来LG真系好重视呢个市场！

眼见近排 Samaung最新推出 D7000系列和D8000系列，个势劲得咁紧要，我都觉得呢批机外型设计靓仔到无朋友，

如果我近日打算买电视，一定选佢，事关我当薄屏电视系家私多过影音产品。

无论D7000的透明幼胶边，定系 D8000的金属幼边，同样咁靓仔。

Samaung外型同 LG 比的话，LG部机个样就平凡同埋务实好多，不过胜在机价平少少，而最重要系佢用了新技术，使到旗下新款3D电视，

可以用平好多，而且轻身好多的被动式偏光眼镜来睇，即系戏院 $6 有售一副那款呢~~买10副都只系 $60，

相比起成千银一副主动式眼镜，价钱上就真系差得远喇。

所以会见LG做示范时候，店铺都好豪咁放几只眼镜出来比客人自取，而且无任何防盗设施。

呢一点不设防示范方式，成千蚊一副主动式眼镜一定唔可以咁做喇，客人有心睇就一定要问店员先可得到。

当然，有某D店铺提供高度升降柱，但数量唔多，由于又唔可以左右移动，想试下可视角度都唔得。

LG除了在大型电器店增设当眼位置展示外，仲搵了黎明，卫兰和 Janice Man一起，做了只3D蓝光动画碟作为3D示范用。

如果有你睇过，都知道唔系什么彭彭声，非拥有不可的内容，尤其无啦啦 Janice Man 唔知做乜，脱去个Bra唔要。

又唔系真人做呢个动作，只系动画炸播。

叫做知有件咁野啰，送比我一定要，如果要用钱买就.......不过买LG 3D电视机的朋友系可以免费拥有呢只碟架。

题外话 : 呢张相系我偷影的，影的时候，我眼尾见到远处店员系啤住我，不过我同自己讲 : 你睇我唔到，你睇我唔到.........哈，得左!!! ^_^

又要再一次引用  Steve Jobs 名句，呢个世界无完美的产品，LG卖点系有佢优势，但她技术上并唔可以同时提供到左右眼达 1080解像度比用家，

即系用家左右眼，各自最多只能见到 540P解像度，不过你又唔好比佢的数值吓亲，

一般市民，唔讲比佢知，净系睇立体感和颜色等等，与主动式效果一样的，一般市民系唔觉得有任何不满之处。

反而呢一种技术的缺点，就系要用水平视点方式来观看，先可以得到最佳效果，如果好似图中呢条友咁摆电视的话，

由于电视机摆放位置，矮过座位关系，就算戴上3D眼镜，都依然系见到叠唔正画面，

而且上或下角度越大，就越叠得差，呢种效果，就平民百姓都见到。

( 留意 2D转3D无呢个问题 ) 只要用家保持在水平角度来睇的话，就一定无画面叠唔正问题。

唔好以为上述所讲的状况，就代表主动式最好，事实主动式设计也有她的不足之处，

这技术就算身处水平皇帝位原地不移动，但头部只要像他一样侧..........画面就会叠唔正。

上述提到过店铺所提供作示范用的高度升降柱，正好也隐藏这个缺点。

其实多间大型电器店内，都可以免费又容易睇到实况，近日经过，可以去八下挂，睇睇佢的角度，你是否能接受到?

如果想打主意，记得去楼上铺格下价，听讲现金会有得倾个好D价钱。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。