移情别恋 Sony S1 

发布日期 : 2011年 4月28日

　昨晚在日本官网睇到 S1的介绍，靓仔到佢呢~~~~有WiFi版本，又有3G 版本，好适合我呀~~

iPhone 内的个人热点，该可以分享出来比佢用丫。

今早起身就见到各街坊纷纷谈论佢，呀边个边个又话想买，搞到我都对佢性幻想了整整一个早上。

净睇官网照唔够架，睇埋Video先啦~~~~

睇完就中毒更深。

讲明先，我只系对 S1 有兴趣，部 S2太太太太丑样了，和我一点关系都无，死开。

之前由美国购入的 iPad2黑色，第一时间出售套现，一直等行货出白色，等呀等，等到终于呢个星期五叫糊喇~~~~

呢个世界就系咁架喇，过了气，自然热情就冷下来，想想下都系觉得 iPad2麻麻地。

由一代转成二代，依然系用唔到Flash，对我平日在街上突然想买电影戏票好大问题，事关唔系所有院线都有app出，无咁点算?

都唔系一次撞板架喇~~真系有点顶气。

另外就系个死人 Camera Kit ，用在 iPad 1身上，如果张 CF Card好多相片的话，

旨意佢过晒以GB计的相片，佢就死几次，搞得两搞都返到屋企啦，洗鬼你搞咩~~~好无瘾。

iPad 2 系就系解决了过相期间死几次问题，可以一口气过晒所有相去目的地，

但又轮到和读卡器配撘出问题，搞到有时认到，有时认唔到，激死人。

计划紧唔打iPad2主意，转投Sony阵营呀~~~

但

官网的图片，因角度问题，睇唔到 S1有无USB接口比我插读卡器，作为就地过相之用，呢点对我来讲好紧要架。

好彩比我找到段有关介绍 S1的Video，入面有一个好好的角度，话了给我知佢系有USB的。

真系好喇~~~~

第二个，也是最后的一个问题，就系有无中文手写先? 无就死得架喇~~~~我仲无奶油无挂，呢点佢应该紧张过我丫。

呢部机话打算秋季推出，咁行货呢? 行几时有架?唔好话我知行货无中文手写播!!!!!!

死啦，依家先系夏季刚刚开始，几时先到秋季呀，咁又几时先有中文手写行货架?

有无人生摇控器，可以比我快速搜画去秋天就好喇，

但........咁跳法，唔跳得几多次条命仔就够钟啰，都唔系办法.......做人真系痛苦。

部机的屏幕有 9.4吋，解像度 1280 x 800，够晒我用架喇~~~行 Android 3.0 可以睇到Flash嘛。

不过呢部机系用自家开发，名为 Swift 的浏览器，到时睇唔睇到 myTV - tvb.com或者系动新闻架?

机身可否有其他颜色咁呢?例如白色呀粉蓝色或者萤光绿咁呢? 

另外 iPad 2机身太薄，加上角位和边位太圆滑，我有两次差点洗手跌了落地，依家想返起个心仲卜卜跳。

你睇 S1 握手位置就应该无该个问题了。

前后镜头对我作用不大，有又好，无又好，我都系唔会用架啦。

呢部机仲可以透过 PlayStation Suite 来玩 PS的游戏，如用家全套Sony产品的话，更变相家居中控添。

因为可以透过DLNA技术，和他们公司的 Bravia电视做影音串流，播电脑内的影音档，遥控SONY影音器材。

我对佢好有幻想空间架，希望秋天推出时，唔好使我失望啦。

其实我并唔可以放弃 iPad的，因为当中我最最最最重要的CAS，

是用 iPad 的Remote app操作，没有Remote app iPad版，就失去最重要的一环，所以到时出街都系用S1，在家用 iPad。

又引证 Steve jobs 金句，无机系完美的。请问边位识睇水晶球，可以讲我知，到时 S1 系唔系我幻想的机能来架?

售价方面未知，但根据我个人猜测，系界乎港币  $1000-$1200 上下。

$ony呀~~~~~~~净系四个英文字母都值 $3000啦，$1000-1200美金就差唔多。

一

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。