蓝牙 3D 眼镜 

发布日期 : 2011年 4月30日

以前我好睇唔起三星电视机,但近年他们的产品,一次做得比一次好,而且在我个人心目中,

做得比$ony还要好,尤其在外观或设计上更得到不少加分,

早前画面同步摇控器和电视纤薄挂墙Mount就系一个好例子。

而近日她们最新 D8000系列 3D电视,机身厚度只有 29.7mm,更把包边突破到仅 5mm,使到薄屏电视外观显得更贵丽。

三星早前话自己系领导全球消费电子品牌,我今日唔会完全否定架。

昨日经过圆方百老汇,在向外的饰柜,见到三星最新推出的 3D眼镜正发售中,呢款眼镜不是跟机送,而是另外发售。

她当然都系配合返自己 3D电视技术的主动式啦,唔通会系几蚊副,电影院有售的镜片咩。

主动式眼镜,因为要用电能,所以比较笨重,但呢款眼镜重量就唔够 30g,以全球主动式来计,最轻系佢喇。

呢款眼镜属于充电式设计,你睇佢设计得既时尚又简约,真系唔错。

佢把最笨重的零件部份,由太阳穴左右两则,改为摆放在后脑位置,睇落萧洒好多~~~而且佢系用蓝牙传输。

据官方讲 :  透过蓝牙传输,有效减低影像传输时的相互干扰;就算在日光灯下也不会有闪烁情形发生。

见到下面图解当中,有提到鼻梁位的设计吗? 

和平日我们见惯的普通眼镜设计差唔多,我推测用起上来应该会合身一点吧。

无线充电器

虽然眼镜系充电式设计,但无需用线接上作为充电。

原来用电磁感应技术,即系无线充电,系咪好型呢~~~图中呢个就系充电器喇。

充电过程,只系把3D眼镜放上去就可以充到电。

而每次可同时为四副同类眼镜充电,而充电时间和平日用接线时间差不多。

不过唔好误会,呢个无线充电器,笨唔系跟眼镜来,系另外比 $ 买的。

 

无放眼镜时,充电器就系咁样架喇。

个人评价

讲左咁耐,都无讲到几 $添,对于 3D电视用家来讲,尤其系 55"以上用家,一点都唔贵,眼镜每副港币 $1980 ,2千蚊仲有 $20找。

计我话,以一个四人家庭,最少应买六副,因有客人来的时候,先可以一起睇。

你唔系话我知,到时唔够数,你推我让咁失礼下嘛,所以最少都要家庭成员再加两副,先够用。

 

相比起个眼镜的话,无线充电器可以讲系超值,因为同一时间可以为四副眼镜充电,只系需要买一个就够喇,

感觉系咪抵好多呢? 几钱 ? 平到你唔信,都只不过系同眼镜一样价钱港币 $1980 ,2千蚊仲有 $20找。

平成咁,要买就衬早喇,有可能抢购一空架。

 

几万蚊部 3D电视都买下来,区区几副眼镜加埋个无线充电器,又算得乜呢?话晒都 3D 技术嘛。

我就话对3D反感无得讲遮,买得3D电视,一定系好喜欢 3D效果,所以先比贵咁多买3D型号架嘛。

加上电视机又提供 2D转 3D技术,基本上3D眼镜日日用,无浪费架播。

我又唔系好相信买部几万蚊3D电视返来,会唔用 3D功能架,所以我相信买得3D电视的人,一定日日用3D功能的。

依家用紧旧款 3D 电视朋友,快转款喇,手上的款式,无论外观和技术都Out晒架喇~~~

你见3D电视款式用季来做量度单位,你就知淘汰得几咁紧要。

 

各师兄与朋友,这篇文章,如非商业用途,欢迎转贴再转贴,如需借图片使用,

请自便,但敬请不要抹去图中的 avbuzz.com签名字样,感激感激再感激。

  avbuzz.com精神,人人毒我,我毒人人 ◆

 谢谢收看这篇文章,你是第 个收看这篇文章的读者。