上海飞龙生煎

发布日期 : 2011年 4月26日 

　上海著名景点南翔小笼饱，无可能唔识丫，但我去食过，唔系我幻想之中咁好味，

如改堂食仲衰，人多轮候加上服务不周，好似乞咁，扣晒分。

不过呢日好好彩，一行四人在虹口区四川北路其中一个商场，无意之中找到一间名叫飞龙生煎的地道食店，非常之得。

　图中就系呢间店铺大门口位置喇。

唔好似为系什么五星级装修，一睇就知系大众化小店格局。

开放式厨房。

虽然地方唔系好华丽，但系胜在座位好宽阔，坐得好舒服。

每张桌面，都有食具提供。

由于怕水土不服，唔会向佢刨冰埋手。

臭豆腐

先来一个臭豆腐，$5 有4件，上海唔兴点甜酱，咁我唯有净食原味啦，

无香港的臭味咁浓，但都好食架。

咸肉菜饭

呢碗咸肉菜饭 $8 好正，

饭有黏性带少少湿润，连同菜和咸肉一起食好正，我保证冬天会食两碗啰。

春卷

呢个春卷 $5 有4只，我真系未食过春卷咬开后，会有汁，我强调系汁唔系水，唔系流出来果只，而系湿润。

你想像一下外面脆，里面有湿润汤汁的 ( 简着 ) 系点丫拿。

汤饱

唔.........呢个就系我所讲，好过景点区的小笼饱喇~~~~$6 有6粒，即系 $1粒，边有平成咁架?

游客区一定唔系呢个价啦~~~卖相都算 Ok，咁味道呢?

惊世大发现!!!!呢个小笼饱正到无朋友，我咁大个人未食过咁好味的小笼饱。

你睇D肉汁........首先咬开少少层薄皮，小心热，等一等，然后啜佢D肉汁出来，唔好点任何调味料，再成粒肉连皮啪，

正到佢呢，唔好以为啜肉汁会感觉成口油，事实真系肉汁，完全唔觉油。

唔怪得上海人唔系叫佢做小笼饱，而系叫汤饱啦。

我在上海食过呢度的小笼饱，唔会再去游客区架喇~~~

生煎饱

店铺名叫飞龙生煎，咁生煎饱唔系招牌菜，咁系乜呢?  $5有 4件 ，一口气要两客，

所以图中就来了一碟八个生煎饱，其实........边个系面，边个系底架?

埋口的一边煎到金黄色，好似好得咁播。

我几大都唔点调味架喇，等我撕开你层皮，睇下你乜野心肠先得。

哗~~~~~又系有肉汁在里面浸住D肉 ? 呢次我死喇，死硬喇~~~

等我食左粒肉先同你讲呀下........

你睇个生煎饱里面D肉汁，真系人都癫，你见到佢咁款，就算我话比你知唔好食，你都唔信啦。

饮胜佢!!!!!!!!!!!

啪完佢粒肉丸，饮完佢D肉汁，以为系食了佢最好部份，嘿!!!!!我真系估唔到佢金黄色的脆皮系咁松化，我强调系松化。

你见到个脆皮横切面先讲野啦~~~~

以上咁多野，都只系 $34人民币，仲要四个人分，每人$9 有找，又小笼饱，生煎饱乜乜物物，都系讲紧几蚊，开心到呢~~~~

我唔系讲笑，今后我再来上海，一定来呢度食咁地道的汤饱和生煎饱。

紧记唔好点调味，净食原味。

呢间飞龙生煎系位于一个叫 东泰休闲广场 地面商场哺位。

图中这角度内的路牌左手边，就是东泰休闲广场。

向的士司机讲，四川北路东泰休闲广场就可以到达。

透过地图也很容易找到。

东泰休闲广场地址 :  上海市虹口区四川北路2002弄17号

地图上也有显示商场其中一家品牌店 (Semir )森马百货位置。

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。