失控癫价CD

发布日期 : 2011年 3月8日            

　CAS一日比一日多人参与，唔系拥有早期一定数量CD碟的朋友，都因为家中藏碟量唔多，

要四出去二手店购买返来啜碟，一些好听又好音质CD碟，一来可以买返个回忆，二来可享受一下靓录音，

更开心就是昔日的歌词填得实在太好，加上那接近完美的旋律，有时真系听到眼湿湿架。

家中有好硬件，如果无好软件配合播放，都只不过系一件废物。

早前国内不小收买佬来香港，把大量有珍藏价值的二手CD碟，一批又一批咁掘返大陆，

而且一去无回头，永远不会再出现香港二手市场，香港呢个二手碟宝藏，所净返的好野真系唔多，

那些头版邓丽君、罗文、关正杰、梅艳芳..........想在饰柜望下都难，仲讲买?

CAS的兴起，使到呢个情况更恶化，由于近日越来越多人加入抢购，二手店所出售的所谓头版CD价钱，

如银圈、 1A1、M1、TO ( 东芝版 )、三洋版、日本版、西德版、天龙版、T113韩国版...........

总之有个卖点的话，都可以去到癫价，而且仲日日升紧。

呢个唔系价钱来架下嘛 ? 型号来炸挂~~~　

$1280 ? 你比我呀~~~~

无野下嘛? 我以为楼上果张 $1280 好贵啦，点不知讲 煞那光辉 唔代表永恒 果条友仲贵多 $700 添~~~~开价 $1980呀~~~

不过点劲都唔够关正杰利害，癫到 $4000 找返廿蚊 ?

我真系网底蛙喇~~~~

你唔好以为我系闹呢间店铺播，香港系自由市场，CD铺无人屈客买，明码实价，无任何问题。

茶餐厅$14杯丝袜奶茶，大酒店可以用茶包冲奶茶，贵10倍收 $140再加埋一都仲得，事实真系无人用枪指着来强迫帮衬。

何况近期卖到癫价的二手店多的是，只不过那些癫价碟都放在收银处，老板睇住，我唔够胆影相咁解。

呢间铺的靓仔老板好好人，而且好有礼貌，行家都乱标价，佢无奶油唔系咁做丫。

不过我真系唔信会有人用呢个价去接货啰。

所谓乜版物版，大家玩了咁耐CD碟，唔多唔少，最低限度都拥有几只挂，

呢D版本，你亲耳用自己熟识的器材听过架啦，唔该你话比我知值唔值咁多钱丫?

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。