9000港元的 iPhone 4

发布日期 : 2010年 7月31 日     图 / 文 : 巴斯

7月30日星期五，是一个非常紧张刺激的日子，全城抢购的 iPhone 4 ，市民都闹住咁买~~~

签约自首又有，零机价出机又有，总之就系今日要有 iPhone 4 ~~~~~

一向黑仔的我，今日好幸运可以分到一部 32GB版本，但要附接近全费的 $5280 机价 ( 原价 $ 5888 ) 加签约，先可以脱身。

但唔紧要啦，我等了好好好好好耐架喇，今日终于可以得到，好开心呀~~~

收到机之后真系有点感动~~~~，自从患上家庭影院冷感症之后，呢种心情，好耐无试过喇。

以下时间同大家分享一下开箱图丫~~~

哗~~~净系个盒都好有手感，等我反转个盒先得。

一直都系数码通台的我，都系用返数码通，而且身边的贫友群都是同台，

无论系通话或短讯，都是比较有利嘛~~

一向以短讯较多的我，同台好紧要架，不过依家有 Facebook 手机版，无论同唔同台都可以在手机上传字句，

只要有无限数据就话之佢啦~~~~何况今时今日，什么都图像化，短片化，无限数据差不多是必需的。

所以这个跟机计划的月费，也是无限数据。

跟来一张细卡。

睇完卡~~~不如睇机丫~~~

开~~~~

Hello~~~~你好~~~

 iPhone 最痛~~~

 盒内所提供的物品不多，一眼见晒~~~~

奇怪~~~这是什么东东 ?

啊~~~~原来系用来打开 Sim Card位的匙。

影完呢辑开箱相，是晚上的 7:17 ，历史记载着呢一刻，我和她相处的时光好短。

大家有无觉得奇怪，全程我都无开过部机来影呢?

因为在我收到部机之后，还未影开箱照时，收到朋友通知，旺角先达正高价急收 iPhone 4，

传说是有一位国内商人，豪花数百万，以每部 $10000 接收 32GB  iphone 4，$ 9000元 接收 16GB  iphone 4

期限是呢两日，消息立即由先达手机场，传到整个香港手机网站。

下午在网上更出现呢段留言 ;

如果你系我，当然唔会理会佢啦，但我呢类咁无性格的人就唔同喇，转下手就可以得到 $3000 利润，我一定放售啦。

尊俨 ? 大拿拿 $3000  ，当然可以放低樽盐啦。$3000够我在牡丹楼食好好好好多个虚心乐园餐喇~~~

由于我影完开箱相，都接近晚上 7:30，早就过了对方所定出的时限。

于是我亲身来到先达收机场 : 

原来经过几个小时的高价收机后，很多店铺都收够机，我一连问几间店铺都唔再收 32GB版本了，

其中一间店员说 $9500呢个价，系下午 4:00的价位，现在个价跌得好急，

仲要用佢最差的演技扮打电话问价，扮完一轮野之后 ，

向我边讲边按计算机，然后在计算机上按 $8700，说呢一刻只能出到呢个价。

咁我除了讲声唔该，仲可以同佢讲乜呢?

我再多问几间都系唔再收 32GB版本，幸好最后找到一家店铺终于系收，

由于我无开过部机，连卡都无放过入去，自然无打过电话和发短讯，最后以$9000收我呢部机。

虽然唔可以用最高价位放出，收少了 $500，但都好满意了。

多谢那位国内商人，唔知佢转下手可以得到几多利润呢?下次有咁荀价，香港欢迎你 ^_^ 

得来的$3000，去 apple 网站补返差价 ( $2888 ) 再订过部 32GB，有人补贴，玩迟D咁解遮，好开心架。

以下时间，只好等接近一个月后再会喇~~~~我相信今次真系可以用喇挂~~~

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。