沖天救兵藍光碟

發佈日期 : 2009年 11月18日     圖 / 文 : 巴斯

Pixar 電影我又點會不支持呢? 這套電影當日在香港上畫，第一時間就走到電影院去收看，

有關當日的評價，可到以下網址得到重溫。

http://www.avbuzz.com/audio-video/200908/up/0.htm

雖然在我心目中，這套並不是 Pixar 電影當中最高分，但我都算是滿意。

上星期這套電影推出行貨藍光碟版本，除了收錄粵語聲軌和中文字幕外，還附上DVD碟版本在內，

多謝港幣 $300，找回$12 散子 。

一套三碟裝的沖天救兵藍光碟，內附兩隻藍光碟 ( 電影內容加製作特輯 )，一隻DVD  ( 電影內容 )，

水魚只可以.............咳咳........Sorry Sorry，手快快打錯字添，

應該係消費者只可以選擇買或不買，無人用槍指著我買，最終我一邊鬧一邊比錢。

由於DVD碟不是獨立包裝，所以無法出售套現。

圖為一套三隻包裝的沖天救兵藍光碟，附送一本我自己唔用的 2010年記事薄和一隻不能出售的DVD碟，好環保啊~~~~~

由於是三碟裝的關係，盒的厚度也和平日所見普通裝不一樣。

參加抽獎

買碟時緊記取回單據，因為有雞會參加抽獎，抽中有藍光機一部呀~~~~不過...............依家未抽中，咁用什麼來播呢隻碟呢?

買得呢隻碟，咁即係代表依家有藍光機啦，咁萬一中左獎，咁.................我部Denon 3800點算啊，佢架藍光機勁咁多

死啦部 Denon 3800 送比人都唔知有無人要添架。

如果唔喜歡藍光機，又可唔可以換其他野架，丫~~~呢期興慳電膽，可否用兩個慳電膽，換一部藍光機呢?

如果唔得，一個慳電膽丫，一個我都Ok架播，呢個牌子的慳電膽都好出名架 ( 利益申報 )>>>>我無親友開慳電膽公司

個抽獎問題好深啊!!!有無人有貼士可以提供一下丫唔該，我唔識答啊~~~

Pixar 短片

Pixar 電影其中一個特式，就是在開始前加上一套短片，今次沖天救兵也不例外，

在香港上映時，這段長約 5分鐘的短片名叫 半舊雲，今次也有收錄在這碟內，不過收錄在這碟時，短片名稱就改為 晴時多雲，

這一段短片和以住的Pixar短片同樣是不需要一句對白，純以身體語言表達，很有趣的一個短片。

當日我第一次睇沒有什麼感覺，但睇第二次就喜歡了。

呢段雖然是短片，但畫面當然是高清畫質啦，相信我，你會滿意的。

叫 晴時多雲 又好，叫 半舊雲 都好，我都係一樣咁喜歡呢一段短片的。

如果你之前沒有機會看過 的話，以下由一位熱心市民的網站收藏品當中，可以得到重溫。

請按 PLAY 鍵在線收看

刪剪片段

在今次這隻碟內的特別收錄，會有多一段算叫做被刪剪片段得到重生，同樣是高清畫質，

內容都是會給大家發出會心微笑，值得一看。

這段因為原本是電影內容，所以是有對白的，這碟不但提供了中文字幕外，還提供了英語以外的普通話聲軌，

但不提供粵語聲軌，太開心了~~~香港行貨提供普通話聲軌，不提供粵語聲軌。

香港之光!!!!!!值得慶祝!!!!可喜可賀!!!!香港行貨萬歲~~~~~香港都萬歲~~~~~

劇情簡動位

全片我最最最最最喜歡的就是以下的這一段，都是不需一句對白，就能感受到兩夫婦的感情，

太精彩了~~~~去到尾段好簡動，催淚位啊~~~緊記自備紙巾。

強烈推介和身邊另一半共同收

這套動畫的畫質很好，當中這一幕最利害，那一些布紋質感好得。

調機畫面測試

呢套港幣 $288藍光碟，都唔係乜都無做過架，碟內提供調機畫面。

在菜單上這一個位置，可見到一項名為 拓展你的家庭劇院。

入到去就可以見到這一些功能。

依照畫面提示一步一步的去進行調校。

聲效測試

就連聲效都有提供測試。

聲效方面，這碟提供了英語 DTS HDMA 5.1 和粵語  DD 5.1。

我兩個聲軌都很欣賞，因為看動畫，聽粵語會全程投入一點，而英語聲效就表現更佳，所以這套碟最少要看兩次的呢~~~

可惜我個人不滿意許冠文的演繹，反而 柴九個仔 黎正橋 的表現就非常非常的好。

粵語聲軌的人聲我非常滿意，用粵語聲軌同樣能享受到呢隻碟為我帶來的樂趣。

由於是行貨的關係，一定有中文字幕的呢~~~

對於熱愛這套電影的朋友來講，BD Live 一定是他們必到之選，但我個人沒半點興趣呢。

$288 對我來講，唔係一個小數目，但可以買到呢個娛樂和有質素的藍光碟，

我覺是值得的，所以我都唔後侮打難我的錢罌去買這碟。

2010記事薄

不如再睇清楚一點有關呢套碟的包裝丫~~~~

圖中所見，就係免費附送的 2010年記事薄內頁。

打開盒之後，就係見到呢個樣子喇~~~~

第一隻出現在眼前是藍光電影內容碟。

把碟反過來，就可以見到有多一層。

當全反過來，就可以見到左手邊的藍光碟製作特輯，和右手邊的DVD電影內容。

好啦~~~~~來一張三碟全家福合照吧。

行版區碼

藍光碟屬於 A和 C區碼，而DVD當然是屬於三區啦~~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。