DC 美食

发布日期 : 2009年 5月25日     图 / 文 : 巴斯

刚刚过去的星期日，一大班朋友十多人，去了一家很出名的食店晚饭，无论食品味道，或是现场气氛，都十分吸引。

这家店对我来讲，除了食物味道好之外，最得意是他们的大字报，他们的用词好了得，单是见到标语都会吞口水，

加上我又再一次可以利用DC相机仔影相，所以好想和大家分享下。

今次和大家分享的食店就是以小菜出名的张仔美食馆。

好啦，点菜开始~~~~

老板，先来一个 豉汁炒蛏子 丫唔该。

我强调，个汁好好好好好好好味，真系想打包个汁返屋企啊。

蛏子当然都因为个豉汁而更加好味喇。

跟着就来一个 辣酒煮花螺，由于我唔食得辣，

食左小小粉丝，只可以勉强接受到一小口，边够胆大力啜个螺肉啊，咳死我都似，所以点到即止算了。

当见到墙上贴出张咁样的大字报!!!!

点可能唔叫返只招牌菜 蒜香鸡 呢? 老板唔该~~~~

炸过的蒜，布满只鸡上面，好香呀~~~

最好味当然系右图呢一个位啦，什么位?

鸡髀啰~~~~我唔客气喇~~~~ 一咬落去，我仲边可能同你讲到野 Jack?

白饭鱼都可以并出咁多款，实在开心死，老板直头惊大家唔死咁，

再要在前面加上 金莎椒盐 呢D字眼上去。

组合决定好喇~~~~~~就系白饭鱼鸡软骨，

老板所指的 金莎，就系指炸了的  蒜。

来多一客 蒜脆西兰花炒牛筋肉

虽然个名好吸引，但只系算一般味道。

避风塘炒蟹

呢款系全晚最后先能勉强食完的食物，但也是全晚最名贵的一款菜，

因为大家都唔想食得麻烦，只选其他一啖一口的食物，当大家都肚满肠肥之后，先会打这一款的主意，

所以如果你下一次有机会点菜的话，除非大家都好想食蟹，否则最好不选这一款呢。

由于我自己一向都不喜欢食蟹关系，所以我一口都无食过，是否好食都唔知啊~~~~

上面都叫好多肉类了，不如叫一些蔬菜丫~~~~但叫个什么菜好呢? 

啊~~~~~~通菜有咁多个不同组合，好似好吸引呀。

  组合到喇~~~

来一个 廖孖记腐乳通菜鲜尤皇 啦~~~~，另外一提，呢间店铺好醒，居然有 廖孖记腐乳 发售给客人的，

喜欢的话可以买埋返屋企自己煮呢。

个名好地地叫 翠肉瓜爆带子咪好啰，无啦啦加个咸蛋黄响前面，真系流晒口水，唔该快上丫。

香橙牛仔骨呢个名都好吸引啦，你做乜仲要加 蜜饯 两个字响前面，

净系个名都杀晒啦~~~搞到人地吞晒口水咁，做乜 Jack ?

你睇佢个样~~~~请留意个汁，我依家话比你知唔好食，你会信吗?

呢个好正呀，我食得一件就比班蝗虫扫清光，他们没人性的，欺负我要影相，起步慢。

刚刚有一个 豉汁炒蛏子，味道比较浓烈，为了想食鲜一点，

所以再来多一个 蒜茸粉丝蒸蛏子。

两者比较，我还是喜欢  豉汁炒蛏子

唔~~~~都差唔多喇~~~叫多两款饭丫。

左图的炒饭，在店铺的名称叫做 大肚婆炒饭，朋友告诉我，大肚婆生完BB之后，个肚会有风喎，多食姜的话，有驱风作用，

朋友索性叫她做 姜炒饭，上菜的时候，成碟饭出晒烟，扑鼻而来的姜味，真系香到无朋友~~~

而右图系 生炒腊味糯米饭，厨师炒得唔干身，唔会硬到食完胃痛，但软身得来不会好似水浸咁款，

留意两款炒饭，都系炒到一粒粒饭，无得顶~~~真系好好味。

两款炒饭都系第一批被扫清光的食物啊~~~

留意图中大字报上所写的价钱，千万不要误会是正价，$28是宵夜价钱，正价绝不可能是$28呢。

饮杯野先~~~唔好又系饮汽水咁闷啦~~

呢个好好饮呀~~~入口时，好有清新的龙眼味，甜甜地，好正~~~保证好饮过汽水。

标题所写的  超平 字眼，实收系 $28 ，叫两杯........ $56，你觉得是否真的超平呢? 

老板送的老火汤，个名好鬼长，叫做 冬瓜淡菜仔去湿汤，味道一样咁正~~~由于我们人多，所以送了两大窝。

多谢老板。

总结

这晚埋单 一千七百几，就以上述所提到的 蒜脆西兰花炒牛筋肉 为例，每碟 $78，

两款蛏子不同做法，但系同样收每碟 $138 ，只鸡 $198，在我个人心目中，不可能叫经济小菜，在我心目中是中上价了。

但煮出来的味道，确实是非常好味，如果下一次再有一大班朋友的话，我都会选择来这一间食店，

一来我不喜欢传统酒楼的气氛，二来传统酒楼没有做得比这家食店好。

全晚最最最最最回味，双冠军的是两款饭，第二位是蒜香鸡，第三位是龙眼蜜，

第四位是香橙牛仔骨............噢!!!我漏了蜜饯 两个字，真啰命~~~

第五位是 豉汁炒蛏子，我话你知，净系呢个豉汁都可以捞两大碗白饭。

上述系最好味又值得推介的菜式，而以下两款就不建议我的朋友叫了。

第一个就是上述我提过大家不太喜爱的 避风塘炒蟹，不要少看这碟菜，

收费是 $ 498，只差 $2 就 $500，最不值得就是这一款菜。

另一款就是做得不太好的  翠肉瓜爆带子 。

虽然这家食店收费对我来讲是中上价，但并不代表他的装修会好吸引，

他们的门面只是平日街坊小菜的食店无分别，一点都不起眼，食的只是味道吧！

如果你觉得这里的价钱比较贵的话，下图有两个方法，可以平一点找数的。

这晚又有得影相，又有得食，生理和心理同时得到满足，而且可以一班人食多好多不同的菜式，实在太幸福喇~~~

同场有银手的  LEICA LUX - 4 和 红色小人 /  dc925 的  Panasonic LX-3 一起影。

而我.............当然系用我最爱的 Canon 870IS  DC仔影啦。

如果你都有兴趣去呢间食店试下的话，一定一定一定一定要订位，

平日都好多明星和他们的朋友来食，加上这家食店好多人都识得来，所以每晚都好多人架。

越系人数多，越系更加要订位。

订座电话 : 2817 1671

地址 : 西环厚和街16-18号地下  张仔美食馆

如果你唔识去的话，可透过以下这个 拖拉地图，使你大约猜想到是目的地位置。

在较大的地图上查看张仔美食馆

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。