最後絕對無事

發佈日期: 2017年 12月 16日


圖 /文 : 巴斯

123


漏夜惡補

12月14日星期四,是星戰8 在香港戲院上畫的大日子,喜歡星戰7的程度,除上映間期在電影院看過,後來推出藍光碟也購入美版作支持,星戰8  The Last Jedi 最後絕地武士即將上畫,上集忘記得七七八八,漏夜惡補一下。

25353996_517193521983056_1204951712561416742_n


OPPO 支持外掛字幕特異功能,無中文字幕的美版藍光碟,是難唔到 OPPO UDP-205的,用廢棄記憶體存起字幕,要用時一步到位用到,爽! 正所謂得 OPPO 得天下。
按我重溫OPPO特異功能


把平日沒用途的小容量記憶卡廢物利用,作為存放字幕之用。

DSC02855

DSC02876


借用光碟盒原生夾,就可固定收藏在碟內,並不影響到關蓋。

DSC02857


提外話,星戰今年是40週年,但唔代表epson都係,因為呢張卡係2015年送出的贈品,不過今年剛好用來作為星戰藍光碟字幕就有點意思。

DSC02868


圓方6號院

我最喜歡的香港電影院,圓方6號院 ( Manhattan Galaxy ) 有安排 4K 播放機配 Dolby Atmos 聲效場次,遷就我呢類 3D 恐懼症病人收看。感激,感激,再感激。

567


DOLBY ATMOS

唔知點解在 DOLBY 官網看不到有關這電影提供DOLBY VISION 與 DOLBY ATMOS 的介紹,下圖所見在12月上畫名單內,沒有 star wars the last jedi 的出現。
555543


透過其他網站可看到,也有美國電影院提供這套電影的 DOLBY VISION 與 DOLBY ATMOS 。

wwwwwwwww


圓方6號院除提供 Dolby Atmos 聲效外,還提供 Infrasonic 超體感座椅震動系統,配合超大畫面,對我來講最是享受。


一額汗

一向黑仔的我,在前去電影院路遇上塞車,浪費了45分鐘,最麻煩是戲票要由我的信用卡刷出戲票,我遲到,朋友也入不到場,幸好最終都趕到開場前10分鐘到步,還有時間去洗手間,但一額汗。

ok9


環境照當然散場後補影吧,圓方多洋人,星戰氣氛是強烈的,如果開場前走一轉會更投入,散場後又是另一個心態。

20171215_131223


圍住晒點影 ? 怕搞壞咪唔好放出來囉。

20171215_130642


唔係星戰迷的我,呢件蛋散,我又點會動心呢?

20171215_131326


入場了~~~打卡最緊要,呢兩日洗版式都是大家入場前的戲票相。

20171215_131535


聲畫表現

所謂 4K ,並不是我幻想的畫質,首先畫面好暗,再者就是很朦,頭十秒幼稚的我以為是導演手法,想表達70年代的回憶,因為今年係星戰 40週年,所以扮暗和朦,再多看十秒後醒覺原來個畫面真係咁,係我想多了,4K喎~~~~算吧啦,看電影講求劇情,好睇咪跟上一集一樣,買隻碟回家看,反正也是4K。聲效方面, Dolby Atmos  效果一般,不覺得有很強的包圍感,幸好震動椅震度足夠,開炮聲足料補數,整體來講,聲震好過畫質。

OS-HDR6-0-00004


劇情

今次導演不再是 J.J. Abrams ,換來 Rian Johnson ,並由他自己寫埋劇本,自編自導應該正喇掛。業積 ?下面自己睇丫。係咪….咳咳……

yyyyyy


IMDb 也可見評為 8.1 分,高分到呢~~~但我就無咁高文化修養了,片長151 分鐘,即係超過2個半小時,我和朋友轉過唔知幾多次坐勢,瞓著又唔會,話晒 $110 一張票,唔係瞓咗佢下化。

OS-HDR6-0-00001


上集 Daisy Ridley 與 John Boyega 的火花與化學作用,加上可愛的BB-8,喜歡程度除上映間期在電影院看過,後來推出藍光碟也購入美版作支持。但今集使我很失望,簡單事情複雜化,拖長來講,大量爛gag,都是消耗我耐性,基於我並不是星戰迷,唔識欣賞是理所當然吧,上述都是我膚淺評論,因為 Facebook 洗板式的都是叫好,我見各影評人都大讚,仲讚呢集好過上集,我真係無言以對。當人人都讚,只有我彈,表示有問題的是我,上述我邊看邊搣手指所謂的爛gag,同場有觀眾笑到不停的拍打座椅扶手多次。全片最好睇的就只有開場時的投彈,但唔明點解用咁原始的方法去投彈,完全唔明,算啦,好睇就唔理得咁多,呢段他日都會被發燒友用來作炸機片段。151 分鐘後, 個人覺得上集 J.J. Abrams 風格適合我多一點,無奈 George Lucas 唔喜歡 J.J. Abrams 嘛,難明。他日不會購入4K碟珍藏,如有朋友他日買了碟播來給我看,基於好奇心都會睇睇畫質吧。不方便劇透太多,只能點到即止,但唔重要,呢類大片,我相信大家都會入場收看吧,那怕是其他人的好評還是劣評。


Adam Driver 依然是木口木面無所謂,但 John Boyega 就和上集的表現差距很大。

OS-HDR6-0-00002


就連我對她有最大期望的 Daisy Ridley ,今集也使我失望。

OS-HDR6-0-00003


今集唔知點解加入了 Rose 這角色,亞洲面孔的 Marie Tran 很重戲份,反而我喜歡的越南籍演員 Veronica Ngo ,一開場就死了。

OS-HDR6-0-00005


個人比較喜歡越南籍演員 Veronica Ngo,她是演Rose的姐姐,一開場就死在這個機倉,可惜到震。

11


她在越南拍動作片,被她咁夾法,仲唔爽死 ……..打錯,應該係仲唔想死 ? 你做乜野Jack? 我指用較剪腳夾頸,痛到想死啊~~

clash-nguyen-ngo-still-03


Veronica Ngo在片中咁快死,你話幾可惜。

ngo-thanh-van-3


 Veronica Ngo 個角色都有出公仔架。

129


另一位演 A-Wing 駕駛員 Hermione Corfield 同樣使我印像難忘,可惜也是出場不多就消失了。

corfield2


還記得這位英國演員嗎 ? 在 Mission: Impossible – Rogue Nation 內,死在唱片店內的美人兒是也,下圖能勾起你對她的回憶嗎 ?

8


後記

散場時,無意中發現近出入口,高過人頭少少的幾隻喇叭單元,中間唔知係被人惡意篤凹,還是自凹,聰明的你一定猜到。


下圖是2013年時所拍舊相,當日是原好的,算啦,聽不出來的,得個知字咁解。


事後透過 TIDAL 欣賞埋今集由 John Williams 負責的電影原聲專輯,可能聽慣 Hans Zimmer 大師明快和帶有型格的口味,聽這專輯節奏都是比較慢,很悶,不過都是過往星戰原聲專輯風格,沒所謂吧。

DSC02845


最後給大家分享今集的預告片段,再見~~~

re



各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。


  avbuzz.com精神,人人毒我,我毒人人 ◆