|
DTS-X 初體驗 發佈日期 : 2015年 11 月18日 圖 / 文 : 巴斯
個多星期前，國仁問有無興趣感受一下 DTS-X 的威力，嘩~~出了嗎? 終於等到了，係咪去國仁公司睇? 噢~~擁有 DTS-X 的 Av amp 依然未正式出街，國仁所指是去 D&M 位於尖東的視聽室偷睇。 連正式推出市場的日期都未有，難得有機會，當然去聽啦。
去戲院睇 其實家用版就話要等各街坊家中Av amp 更新先有得睇，如果去戲院睇的話，本星期四新上畫呢套戲有得睇了，現在正接受頂訂門票添。
呢套 DTS-X 版本係要撈埋 3D一起餵飴，門票開心價每張 $145 ，在中環 PALACE ifc 5號院擁有呢個版本享受。
PALACE ifc 5號院獨家 DTS-X 版本劃一在呢個叫5號院的地方欣賞到，下圖所見，就係 5號院平面圖。點呀? 邊個位靚呢? 唔買? 點解呀? 票價貴? 唔好又比人話有錢買機，無錢買票啊。對套戲無信心? 咁又係，咁即係不是聽格式，是睇戲啦，明白，完全明白晒。
好喇~~~拉得太遠了，回來 D&M 位於尖東視聽室吧。這裡等著我們的正正就是 暫時 不對外發放的 DTS-X demo，聽講流出要殺頭的，不過睇就無問題，唔需挖眼吧。^^ 來吧，DENON 顯示板見到 DTS : X MSTR 字樣，單是呢個字樣就太吸引了吧。
上述提到過的 DTS-X demo，D&M 亞太區產品總經理 William Chang 為我們安排了內裡所提供三段內容，分別是一段動畫，一段電影片段，和一段 MV。 動畫片段是早前大家睇到熟透的 Locked Up 這一段，來到今次是配上 DTS-X 。
而第二段是下圖所見日本電影精彩片段，呢段內容講述男主角殺怪物，動態雖然有，但劇情唔係返翻天覆地的打鬥，我相信要表達的返而係其空間感。
最最最吸引我是播放這段 MV內容，不是唱歌，是純音樂 MV節奏，音樂好聽，內容更吸引， 睇完都想擁有呢段做珍藏，無論是包圍感和動態都深深吸引著我，好想再睇多幾次。
DTS:X 訊源到此為止 DTS:X 訊源到此為止，咁少? 係咁少炸你想點? 暫時市面買到的 DTS-X 軟件，只係得套等同文藝片的 ex machina ， 第二套聲稱有 DTS-X聲軌的 American Ultra 又話11月尾先出。 當日DTS-X 軟件，咪就係得咁多囉。
拿~~~~American Ultra 要 11月24日先推出，仲係美版無字幕添，所以個多星期前，唔係得咁多，想點?
前日收到香港臥底以下呢個情報...........啊? 居然提早推出，香港都有店鋪發售了，不過有鬼用咩，我都離開D&M 視聽室了。
上述實試地點是 D&M 位於尖東的 7.1.4 視聽室，喇叭耳平高度位置擺位。
天花四隻喇叭是如圖所見地擺放著。
UpMix 大家最最最關心當然是想知道 DTS-X 的 UpMix 功能是否了得，因為大家手上都有一定數量的 DTS-HD Master Audio 軟件，那些都是大家熱愛的軟件， 如果 UpMix 效果好，大家就無後顧之優了。William 這時放入 DTS Demo Disc 2015 作為 DTS-HD Master Audio 訊源，然後交給 DENON AVR-X7200W 來做 UpMix ，
下圖所見，是 DENON AVR-X7200W 的顯示板面，左手邊可見，是她利用 Neutral: X ，來把 DTS-HD Master Audio 效果 UpMix 達到接近 DTS-X 原聲效。 右圖所見，自然是原本訊源是 DTS-X 時，DENON AVR-X7200W 所見的處理顯示內容。
後來加入 Gravity 引力邊緣 DTS 版 ( Neutral: X ) 對 Dolby Atmos 直出版，國仁和 William 都說 DTS 版 ( Neutral: X ) 有八成表現，我絕對同意。
不過先決條件當然是 DTS編碼的訊源方可 UpMix ，用戶不能把杜比編碼的訊源，以 Neural : X 的方式作 UpMix 。
個人評價 今次體驗是想為擾心 DTS 的 Fans 放下心頭大石，本身 DTS-X 訊源效果我個人收貨之餘，也讚嘆 UpMix 效果，其喇叭擺位實在沒有使用戶為難， D&M 這個 7.1.4 視聽室，耳平位置喇叭擺位，效果非常好，無論在 DTS-X 或 DTS-HD + Neural : X 效果同樣滿意， 我最喜歡是後面的聲效好像弧形的罩包圍過來的感覺，方向感也是一個很吸引人的地方。 Dolby Atmos 經常強調的 object based 效果，在 DTS -X 演繹下，依然得到其效果。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
