|
Panasonic Lumix DMC-GM5 發佈日期 : 2015年 10月5日 圖 / 文 : 巴斯
手上沒有超廣角鏡頭，近日想為大機 購入一枝，心中早有打算，正當出手時，突然想起何不買一部 M43 相機，配上超廣角鏡頭呢? 咁做法，除達到擁有超廣角鏡頭外，還多了一部輕便相機用，在 格價網 掘到 Panasonic GM1 配 7-14mm / F4 鏡頭，售價平到無朋友。 Panasonic GM1 早前也有借過去東京進行拍攝，效果算滿意。
想了又想，為貪心想接外置閃燈，貴多$1000 改買去年推出的同廠 GM5，又因為想平日把她跟身用，於是索性向 GM5 配 12-32mm f/3.5-5.6 ( Kit Set ) 埋手。 一機兩鏡原包裝，可以放在背包內，還有大量空間，背著她們吃喝玩樂大半日都唔覺累或重，你話開心唔開心? 回家後當然第一時間拿出來影開箱圖吧。
由樓上鋪購入的雖然係水貨，但還有機套贈品一個送出。
透過Wall -E做比例，可大約猜想到實物大小。
心水清的朋友一定有留意到贈品機套上印有GM 1字樣，其實....無所謂吧，是否合用都與我無關，因為我是不會用機套的。
開箱正式開始，開蓋後首先見到第一層，這裡提供光碟與雙面中英文說明書，還有屏幕保護貼一片， 這是店員送的，由於店內無一塊適合這機 Size ，所以他給我一片大的叫我自己剪。
這一個分隔層，印有推介配件介紹。
打開第二層可見到相機被黑袋包著，左右兩邊可見有配件存放的位置。哈~~~電源線兩款都有。
把兩邊配件與第一層物品來一個大合照吧，當中還有一個小小閃光燈，也是跟機送的，也代表著GM5身上沒有跳燈了吧。
配件合照完成，接下來就是主角GM5了，機身下層再沒有其他物品了。
登登登~~~凳 呢部就係超小型 GM5 連 12-32mm f/3.5-5.6 鏡頭組合，透過Wall -E身軀，可大約猜想到實物大小。
不如配合埋其他雜物一起做對比會更容易了解她體積係幾咁細部。
GM5 連 12-32mm f/3.5-5.6 鏡頭組合，跟餅鏡差不多大小啊，拿出街用非常輕巧。
講明 12-32mm ，即係有得 Zoom 啦，透過下圖所見，充電池與手掌做比例，鏡頭被 Zoom 盡雖然長了一倍，但鏡頭在外觀上也不見得太長。 由原本大約兩粒電池的闊度，Zoom 盡剛好四粒電。
呢個年代最緊要方便，機身體積咁細我先會跟身。
你睇張八達通卡和 GM5 比例，以可換鏡頭相機來講，係咪好利害呢。
SD記憶卡對我來講非常方便，最起碼手上其他相機都是用SD。
GM1 雖然平 GM5 差不多$1000 港元，但GM5有 ISO hot shoe ，大大有利於我接上其他不同品牌的外置閃燈，這 $1000 不能省。
7-14mm / F4 鏡頭 來到重點，第一志願係超廣角，這枝 7-14MM ，在 7mm X2 後，便提供到相等於 full frame 14mm 成像，所以她配 GM5 先係我的主角，接下來為 7-14mm / F4 鏡頭影開箱圖吧。
盒內所提供有如圖所見物品。
接上 GM5 機身後，跟其他雜物做比例。
這鏡頭 ，同樣係 Zoom 鏡，跟 12-32mm f/3.5-5.6 體積比較，前者大好多啊。
迷你超廣角相機 雖然口口聲聲話枝鏡頭好大，但放在手掌上，實在細到有點過份~~~~好喜歡呢部迷你超廣角相機啊。 今後我只需現場拿起呢部相機，就影到超廣角效果，唔需要即場表演換鏡頭了，一個字~~~ 爽
圖中所見 70 mm 口徑鏡頭，鏡片組合為 12 組 16 片，4 片 ED，2 片非球面鏡。
視角有 114度，夠晒超廣角之餘，而我最關心的最近對焦距離可有 0.25 米，滿足到我的實戰需要，另外這鏡只有 300 克重量。
在鏡身上可見產地來源。
燈膽仔，就用鏡頭蓋保護著吧。
電池跟機有一粒，正找尋代用電池中...............
廢話小說！做咁多野都係想影闊點，接上燈膽仔試下效果先，出來效果初步滿意。
明明好窄的扶手電梯，出來的效果都好闊滿，滿意滿意，一下再集見。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
