膽味玩具 發佈日期 : 2015年 1 月 1日 圖 / 文 : 巴斯
2015 年第一件玩具,就係圖中所見 韻之聲 Rhyme RD801膽耳擴,認識 Yesun 的朋友都對這機不會陌生吧。 某日Yesun 在淘寶見到佢,可插 SD Card,在無任何顯示屏之下直讀 SD Card 內裡的歌, 唔喜歡用 SD Card ,可插 USB手指都得,如唔滿意上述裝置容量有限,可用USB接上電腦做訊源。
唔喜歡駁電腦,用 Line In 來接駁手機或流動播放器都得,其實有 LINE IN,自己想像下駁乜囉。 你估呢部機幾錢丫拿?
198人民幣,有咁多功能,平成咁,當玩具玩都抵到不得了吧! 198人民幣即係幾錢港幣? 我唔識計,我上淘寶訂貨先~~~~你慢慢計啦。
話咁快就收到貨喇~~~~~又包得幾好播。 透過CD作比例,可大約猜想到實物大小。
打開盒見到內裡用發泡膠迫得好緊,保護程度高。 第一感覺良好。
在盒內掘出耳擴和火牛,但說好的兩隻 6J1 膽呢? 唔係無下化?
哦~~~原來放在保護程度更高暗格內,。 火牛方面,係不合香港標準,但心得音響發燒友歡心的兩腳插,我唔係發燒友,不過都喜歡兩腳插。
盒內物品,就係咁多,來個合照吧 。 198人民幣,連埋兩隻膽仔,仲有埋外置火牛,我就無野可以講了。
睇真 D部 Rhyme RD801 耳擴先,靚仔就無佢份架喇,勝在玩具款,OK啦。 正面可見上述提到過的 SD Card 和 USB插口,頂部係乜,我答你都覺得侮辱你啦係咪? ^^
如圖所見,接上 SD Card又得,接上USB手指又得,得左。 但!!!!! 而音樂檔案只能支援 MP3、WMA、WAV ,其他免問。
USB接口除了可接手指外,還可以接駁電腦作訊源,有電腦做訊源,咁音樂格式或容量再唔係問題啦。 留意接駁電腦所用USB插頭是兩頭公。 DSD解碼? 咪玩啦,$198人仔 直讀 DSD128 好唔好? 這個USB接口,只係方便用家駁電腦作訊源吧。
背面可見用上 24V火牛來為能源,6.3mm 耳機大插位可以在這裡見到, 還有上述提到過的 Line In,同樣可以在這裡見到。
6J1膽 結果當然無事啦,透過CD比例,可大約猜想到兩隻 6J1 膽仔實物大小。
北京膽 下圖所見係接上兩支膽後,與CD作比例。 兩粒膽屬於北京膽,Yesun說換上蘇聯膽後會靚聲點,喂大佬,部機只售 $198 人民幣, 換一對膽豈不是貴過部機,加上我唔係發燒友,咪搞,你自己玩開心D啦,我當佢玩具機來玩下吧。
蘇聯膽10倍價錢
咁我問佢跟機的北京膽每支幾錢,Yesun話每支 一元人民幣,蘇聯膽貴 10倍即係每支 10元人民幣。 妖~~~~~你唔早講~~~ 拿拿臨立即訂埋啦~~~下圖所見就是額外在淘寶掘到每支 10元人民幣的 6J1蘇聯膽。
邊隻係北京膽? 我唔想侮辱你囉,自己睇丫。
有興趣呢兩款膽的朋友可去看看, 不過如果找到十元三打,千萬不要告訴我,我驚接受唔到啊。 ^^
一元北京膽 十元蘇聯膽
可能你會驚兩隻膽會好熱,做成不必要的傷害。 但事實上眼所見的橙色,並不是完全來自膽的烏絲, 膽長開之後,最最最熱都只能說是暖,Sorry應該係 微暖 貼切點,與熱是拉不上任可關係。 圖中所見,我把其中一支膽拿走,聰明的你可見到點解個膽咁有視覺效果, 所以又係那一句,Hi-Fi 唔只用來聽,仲要用來睇,那怕是 198 人民幣的產品,很明顯設計者深明此道。 待續..........
各師兄與朋友,這篇文章,如非商業用途,歡迎轉貼再轉貼,如需借圖片使用, ◆ avbuzz.com精神,人人毒我,我毒人人 ◆ 謝謝收看這篇文章,你是第 個收看這篇文章的讀者。 |