OPPO PM3 開箱篇

發佈日期 : 2015年 1 月30日    圖 / 文 : 巴斯

早兩日接到呢條友通知,叫我去交收,交收什麼又唔講,唔緊要,比得我一定係好野吧。

邊個 ? 睇圖咪知囉,唔係左手邊呀,係右手邊笑到合唔埋個口的 Nipon 。

可以同試咪皇合照,比著係我都一樣笑到合唔埋個口啦 ^^

 且~~~~~~~~~~~呢個牛仔布料袋,

一睇就知係 OPPO  PM1 或者 PM2 耳機吧,早早試過,做乜仲比我? 

打開一睇,啊~~~原來係 OPPO  PM3耳機,仲要係我最喜歡的白色,咁快有得賣喇咩?

查問之下,原來係第一時間發比大家報導的工程機版本,呢個版本未係正式出街版本,但都九成九。

連外層包裝都未見,到時係鐵盒,膠盒定係紙盒都未知,

唔緊要,最緊要係耳機表現如何。

相信早前大家都有睇過官方資料吧,有興趣可到該網址得到重溫,

http://www.avbuzz.com/audio-video/201501/PM3/0.htm

官方綜合PM3耳機有以下產品主要特點:

• 帶有FEM優化釹磁系統的獨特磁振平膜單元
• 7層振膜、雙面螺旋音圈
• 無遺漏的聲音細節展現
• 易驅動的高靈敏度
• 無與倫比的舒適度
• 隔離噪音的封閉式設計
• 輕質便攜的佩戴體驗
• 優雅穩重的外觀造型
• 選配不同設備的高品質線材


透過早前 PM3 宣傳照可知道,廠方提供了黑白兩色選擇。

圖中所見就係盒內所有物品,除了 PM3 耳機外,還有兩條耳機線,當然都係白色啦。

耳機規格 

型號 PM-3 
聲學原理 封閉式
佩戴方式 罩耳式
標稱阻抗  26歐姆
靈敏度  102dB/1 mW
夾持力 5 N
線材  3m可拆裝線(3.5mm 和6.35 mm插頭)
線材  1.2 m可拆裝線(3.5 mm插頭)
接線端子  輸出: 3.5mm 身歷聲插孔
接線端子  輸入: 6.35mm身歷聲插孔或3.5 mm身歷聲插孔
重量 320g (不計線重)
附件 牛仔布便攜袋   用戶手冊
揚聲器類型  磁振平膜
揚聲器大小 (圓形)  直徑55mm
磁力系統 同軸雙向釹磁系統
自由場頻響範圍 10–50,000Hz
長時間最大輸入功率 500 mW( IEC 60268-7標準)
脈衝最大輸入功率   2W

售價 $3399 港元的 PM3 屬於單邊耳機線插,與其他耳機產品一樣,插線位都是安排在耳機左手邊。

基本上見到插線位就可知道耳機配戴方向。

就算唔睇耳機線,同樣可在惡劣光線環境下摸到耳機的左或右。

跟其他普通耳機一樣,左手邊有凸點可摸到提示,右邊當然是沒有這個凸點吧。

 

下圖為兩條跟來的耳機線,當然是給手機方便使用的產品吧。

左手邊所見,除有接聽電話按鍵外,還多了音量調節鍵, 這部份只能對 iOS Apple 產品有效。 

過往如一直用開 iOS 配合音量鍵來偷拍人家的用戶,恭喜你,接上這條線,該偷拍功能依然照常使用。

這個音量調節鍵只能在 iOS 產品上發揮調節作用,Android用來聽歌當然無問題,但按音量鍵就失效,

所以這條有音量調節鍵的線,可以理解只為 iOS用家服務。

話時話,白色係咪好襯我手上的器材呢? ^^

用於 Android 手機,咪用另一條線囉,

其實一線發燒友都唔係好喜歡有音量調節鍵的線吧。

襯白色 LG G3 咪又係咁正。


用得流動播放器的朋友,又未必睇得起呢條帶有電話功能的線材,

下圖為兩款跟機線,都是有咪設計,用在手機上當然非常方便,但發燒友唔開心囉。

最緊要 PM3 提供換線功能,

唔滿意咪換發燒線,換到滿意為止囉。

高強度鋁合金骨架,邊緣採用金屬高亮邊,

配合埋呢個低調的噴砂表面,簡約得來又合眼緣,重量方面 320g 還是不錯的重量極限。

當然有調校大小的伸縮功能,其夾力也不算是過緊,

因為過緊的話,長用一兩個小時後,頭會因為夾得過緊而做成頭痛問題。

拋光邊襯到部 iPad mini 呢~~~

PM3 的耳綿,由於是用上等PU皮,非常軟滑,很喜歡這個質感,

我的耳不算大也不算小,一般大小吧,戴上後也不覺得有窄的感覺,唔會咁易覺得不適,

加上是 Over Ear 密封式設計,蓋著來聆聽的感覺比On Ear的感覺強烈很多,這點對 Over Ear 耳機來講好重要。

把這個耳綿拆開,可見到內裡結構,

7層振膜以及雙面螺旋音圈,並在原有基礎上將 85 x 69mm橢圓形揚聲器改為直徑55mm圓形揚聲器,

使PM-3在保持102dB高靈敏度的同時,將阻抗從 32 Ohm 降至 26 Ohm。

注 : 圖中所現到的半月孔,屬於是工程機版本獨有,正式推出時當然不存在這個半月孔吧。

一向喜歡簡約設計的我,MP3 外觀很是討好我。

 

個人評價

OPPO PM3 以 $3399 港元推出市場,雖然在還未煲好狀態下欣賞,而且原用跟機線使用,

初步感覺良好,無論流動播放器,又或者在家中座台機欣賞都有很好的效果。

雖然 PM3 耳機是可容許匹配手機欣賞,不過要發揮她最大效益,推力夠的播放器是必需要,

PM3 絕對唔難推,但唔代表用手機都推得好聲,希望你能明白,推得到與推得好是兩回事。

 

熟識我對耳機口味的朋友,都會知道我很著重低頻質素,可幻想我對耳機的要求,等同兩聲道座地喇叭款式去比喻,

書架喇叭從來不是我杯茶,這點 PM3 都能滿足到我這方面的雖要,她絕對是屬於座地喇叭的種類。

昨晚也用了 MP3 來欣賞藍光電影片段,無論流行音樂或電影能量感片段播放,同樣能夠達到我個人的要求。

以上個人評價,唔好只聽我一個人在這裡吠,器材表現係自己感受,而唔係聽其他人得把口講,

遲一步當陳列室有貨,到時大家一聽就知是否自己的口味。

聲耀全音

香港旺角西洋菜南街1A百寶利中心1405室

Tel: 3188 1720

 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。