有貨到 LUMIN D1

發佈日期 : 2015年 1 月14日    圖 / 文 : 巴斯

上星期利安被充軍美國 CES展覽，公司刻薄佢就一直有聽聞架喇，

正所謂有圖有真相，你睇呢間利安入住的所謂酒店，真係離晒大嫂，間房咁屈質你話係人住的嗎? 

最火滾係個窗外面囉，叫人點睡得著呀，你講丫，講啦嘛~~~

機主又唔自愛，鏡頭又唔夠闊，無法一鏡過表達到呢度有幾屈質。

究竟有無睇王菀之和糖妹的小宙宇大世界架? 唔該學下啦。

今早接到他電話，話剛回港，叫我上去佢公司，咁我咪去走轉囉。

嘩~~~紅成咁? 去到邊都見到佢的節目? 

當我去到的時候，

呢位倉務員正在點貨中，究竟係乜野貨來架? 

　上面寫著 D1 ...........

　哦~~~原來係 LUMIN D1的貨到港發售，這幾日在外店鋪開賣了，

利安原來係叫我把這部被喻為 LUMIN 族譜入門型號回來影開箱圖。

第一時間接到音響房，

用Weiss DAC202 配 Unity Audio The Boulder試下先。

以一萬港元前後價錢，可得到 LUMIN  D1 這個音響質素與超高水準的操作介面，

在兩聲道來講是超值的。

唔喜歡用喇叭聽，配合耳機也無難度。

其實以我在音響房裡所使用 LUMIN 的數碼輸出， LUMIN S1與 LUMIN D1 分別並不大。

 LUMIN D1 接上模擬輸出也是她的強項之一，由於 D1 體積比較細，放在書桌面上配合 EXIMUS  DP-1使用，使這個系統多一個訊源，開心好多。

D1 跟 DP1就像是微型號合一樣呢，同樣可以用耳機或喇叭欣賞。

LUMIN 接駁電腦又得，接 NAS又得，

由於電腦本身長開唔關，接駁 Minim Server 非常之方便我，而我也無需要另接NAS。

也是由於成本關係，D1 不能用車床挖空實心鋁，只用窩釘把鋁片連接而成。

能夠縮小機身的主因，自然是因為線路板由兩塊改成只有一塊。

D1只用一塊線路板完成所有工作，自然無需做大機身。

另外，電源供應，是外置方式，但唔可以跟三位哥哥一起用鋁殼雙環牛，

只能用普通 12V火牛，也是可以減省成本，做到入門級別的價位。

　

背面插口，比起其他三位哥哥，九成接口都能照舊提供，就算是平衡輸出都得以保留，

唯獨是欠缺了 HDMI輸出，這點我個人覺得非常可惜，

HDMI 接口是需要制造商繳付專利費用，明顯是因為減省成本而取消。

開箱圖分享

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。