|
跨境王
跨境王呢個大名就聽得多，但一直都無用過，唔知係咪傳說中咁利害呢? 呢日出發國內前，購入一試係咪咁開心先，但係......120元咁貴。 我唔係長途旅痕，只係短聚， $120用一兩日就真係貴了少少。 又到賤格萬用金句出場時間了 : 唔係有錢買手機，無錢上網下化? 這個........
邊度有得買? 以下呢度咪有囉。
但又唔係要指定上述的地方先有得賣，拿來到呢度...........前面那張咪就係傳說中的 跨境王 囉，點解會係 $68 的呢? 啊~~~$68又唔同咁講法喇，平接近一半喎，半價喎~~~~~~ 老闆，請問呢張係咪傳說中好受歡迎的那一張 跨境王 呢? 老闆當然話係啦，唔通會話係假 Card 咩低能仔?
老闆，我就要一張丫，我真係比了 $68港幣老闆，唔係收 $68人民幣或者美金，無取巧喎。 我就係在鴨寮街圖中呢間鋪面用黃底黑字電話號碼招客的攤檔購買。 圖中所見紅格代表人所共知的鴨寮街公廁位置，咁依家知呢個攤檔正確位置啦。
全港最平? 聽師兄講，外間最平見過 $64 都可以買到，且~~~~咁封面印的那個 $120 咪即係明存實亡? 咁邊個會用正價買呢張 Card 呢? 嘿~~~~話口未完，剛剛在呢個拍賣網掘到 $61有交易添，加埋 $2平郵，都仲平過我在鴨寮街買。 https://hk.f1.page.auctions.yahoo.com/hk/auction/1139297913
開箱圖 買了回來當然又係影下開箱圖吧，透過手機比例可大約猜想到實物大小。
比錢前，緊記睇清楚圖中所見背面最頂位置有效日期，買了過期卡就無仇報了。 就以呢張為例，有效日期去到 2015年 6月30日，咁就無問題啦。
打開內裡係咁樣，內裡有非常清楚的使用說明。
張 SIM Card就係存放在這個位置上，而且仲係好搶眼的紅色。
可上 Facebook 咳咳...........今時今日，如果單靠張 Card 比你先上到 Facebook ，咁就乞米啦，噢....... Sorry，應該係米都無得乞， 智能手機可以在國內上到 Facebook 都叫強項? 各街坊一個二個篤下個 Screen 就翻牆啦， 不過佢地話係賣點咪賣點囉，但係官方無講過喎。 雖然有說明書教埋首次設定，但都驚大家開心過頭，把說明書棄於垃圾桶 ，在 Card 上依然印上首次設定程序。
一卡兩號 背面右下角就貼晒兩個電話號碼出來，方便用家知道。 上面印香港號碼，下面印國內號碼。
Wi-Fi Share 上網遮，做乜搞部手機張 Sim Card呀，換來換去，搞兩搞跌埋就真係開心死喇，手機 Wi-Fi 上網乾手淨腳。 如果同行的朋友無得上網，咁我可以好豪咁
Share埋比佢，你話幾型呢。^^ 咁就要睇下老闆是否免費出手剪卡喇喂，幫你剪係人情，唔幫也是道理，係咁多。
$66 儲值額 開通後乜都唔搞，上網費就 $2 / MB，一直用到無晒錢為止。 如果想以通行証方式咁用，就要再按多幾個設定申請，選邊個 Pass 視乎個人需要。
首次開通張 Card 的方法好簡單，就係求其打出一個電話號碼就代表開通了張 Card， 當然呢個開通動作係在香港範圍內做啦。
測速 其實測乜鬼野速丫~~~~~要用的時候，可以貼到幾張相出去咪算囉，唔通長期睇高清片唔窒先用得嗎?
在深圳地鐵龍華綫與羅寶線內，親身體驗到這是中國聯通的 3G 網絡，呢張 跨境王 容許 Share Wi Fi 比其他裝置， 圖中所見，係 Samsung Galaxy Tab S 8.4平版電腦用緊中國聯通 跨境王， Share Wi Fi 比部 LG G3 所用的實況。 地鐵行走中，想點。
初步評價
如改在地上傳圖片，問題唔大，我唔介意只係行 3G，總之每次貼到幾張圖片去 Facebook，Whatsapp ，LINE.........就可以了。 今日上網時間唔多，因為有其他事做，只係在地鐵範圍使用過就算，唔通成日摸住部機上網咩，地鐵斷過兩三次線唔作得準，下次在地面試真D再作評價。 地鐵經過華強路站斷線中.........
$68 ，又有得打電話，又有得上網。 初步感覺不過不失啦，我唔會覺得佢係最好的一張Card吧，好過無得上網的， 要再多用一點時間去不同地方試下先知，否則唔係好公平，不過唔係成日返大陸，有咪用，無咪算囉。 待續.............
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
