|
Magic TV 遙距錄影教學 圖文篇 發佈日期 : 2014年 12 月23日 圖 / 文 : 巴斯
最美風景在車上，是攝影發燒友口頭禪，而發生在我身上的是好睇電視節目在茶餐廳， 唔知點解永遠我都係在茶餐廳的電視機上見到想睇節目無錄到。 近日 Panda 護士長 查詢有關遙距錄影功能使用方法，不如順便做個教學給大家一起分享。 這方法需要做首次設定，只要做一次，今後只需在智能手機篤幾下，就能完成遙距錄影功能，小學生都識，方便到無朋友。 首次設定程序分為Magic TV機頂盒和智能手機兩部份。
機頂盒首次設定 首先利用電視機畫面睇住來做，程序是如圖按Magic TV機頂盒遙控器的 Menu 鍵，
得出這個大家很熟識畫面，然後選取 增值功能 。
進入後可見到 遙距錄影註冊 這個選項，當然又係再次進入。
進入後，系統會要求設定輸入手提電話號碼，所謂 手提電話號碼，只係建議，唔需要一定係真實手機號碼， 用戶可以打一堆與手機無關的數目字入去都可以 ( 只要自己今後記得就可以了 )。 就好似以下我所用的呢組數字，明顯唔係手機號碼，系統一樣接納， 跟著設定埋密碼，再選保存並退出，就係咁簡單，就完成了機頂盒首次設定。
設定後會有呢句字樣給用戶知道完成。
智能手機首次設定 好喇~~~完成機頂盒設定後，接下來就到智能手機首次設定，利用手上智能手機的瀏覽器，去以下呢個網址:
http://irec.magictv.com/hk/login.php 到步後，就會見到下圖左手邊畫面，呢個時候，乜都唔好填住，如右圖所見，用智能手機的瀏覽器功能，把這個網頁，Save 成為一個 icone 。
即係Bookmark啦，只不過平時我們Bookmark在我的最愛，現在我們 Bookmark 成為一個 icone放在手機桌面上咁解。 由於把網頁 Save 成為一個 icone 放在手機桌面上， 今後就可以一步到位，齋篤呢個 icone ，就可以輕易去到目的地，唔需要搞一輪先來到呢個位置。
設定完就可以回來這個介面，由於現在係首次使用，所以會問你手機號碼 和 密碼， 呢個時候，就係打返剛剛提到在機頂盒所設定的號碼 和 密碼，由於係首次設定， 所以要如右圖一樣，選埋個惕號，今後就無需次次輸入密碼咁麻煩。 就係咁簡單，完成了智能手機首次設定。
今後使用 就可以立即選節目，藍色顯示代表現正在直播中的節目， 假設我現在於茶餐廳見到 90210 呢個節目正在直播，我好想立即錄影，只要當時用戶家中機頂盒是接上網， 就可以即按即錄，一手篤落去個 90210 度就可以了，無需再填乜填物，這功能就算節目開始了，也能即按即錄。
預錄 咁系統就會問我淨係錄今日呢集，定係重複錄影。
乜野叫重複錄影? 你懂的 ^^ 。
篤完就搞惦架喇。
呢個遙距錄影功能，非常好用，唔一定用來比你在街上救命用，由於佢唔需要電視機的畫面睇住來預約錄影節目， 即係話在家中睡床，洗手間.........，根本無需為預約錄影節目而開電視機，係咪好開心呢?
電腦瀏覽器 只不過電腦唔夠跟在身邊的智能手機方便咁解，唔信你試試丫~~~~ 心水清的朋友現在應該明白這個 遙距錄影功能，由頭到尾是透過網頁做設定，而並非與任何 app有關係，因為根本不存在 遙距錄影功能 這個app 。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
