|
更上一層樓 發佈日期 : 2014年 12 月22日 圖 / 文 : 巴斯
萬丈高樓從地起，呢座高樓，係由一件一件 國磚 所疊成。 ( 唔計入面兩部日本擴 ) 星期六的下午，呢座高樓，又再加建一層，眼利的朋友又是否看得出，新增邊一件磚達成更上一層樓呢?
呢座大樓係屬於 Yesun所擁有， 星期五晚 Yesun見到高登 Right Shop 貼出 山靈M3 流動播放機有售的貼文，他第二天就飛撲去聽下效果。
全港第一位 非常滿意 山靈M3在音色上的表現，完全殺低同價位國磚。 就係咁，Yesun 就是全港第一位在 Right Shop 購入 山靈M3 流動播放器的人。
山靈M3 跟其他國磚在功能上差不多，除了可作為耳擴用，還可以變身成解碼。 以 3.5光纖接駁流動播放器又得，或者透過電腦 USB同樣可以。
M3 提供黑色和銀色選擇， Yesun 覺得銀色靚仔好多，所以買了銀色。
透過 AK 240做比例，可大約猜想到 山靈M3 實物大小。 對她擁有 2.4 " TFT 240X320 顯示屏的外觀上表現都算滿意。
透過這角度也可見到兩者在厚度上的比例。
山靈M3 設計簡約，機身上沒有太多按鍵， 頂部可見 3.5mm耳機插口，還有Reset鍵。
透過機背可見到四個插口， 分別係 line in、line out， USB 插口 和最高對應 64GB的SD記憶 Card 插口 。 M3體內只提供到 8GB容量存放音樂檔，如對音色有要求，要存放無損格式音樂檔案，額外購入 SD Card是必然的。 其中 USB 接口兼容充電用途，LINE IN接口方面，接上光纖數碼或模擬訊號都可以。
五軸轉輪 至於轉動時只能單一功能，就是音量調節，無論是在那一個位置或頁面， 她都只能提供音量調節，並無其他上下轉動位置或頁面功能。
音量調節由 0 至 60作為顯示。
UI 加上五軸掣的擺幅需要動作效大，單手使用顯得很吃力。
增益功能 M3擁有增益功能，唔好睇小呢項功能，唔係一般開了等於無開的增益效果，真係針對大食耳機用的有效果功能。 另外付有獨立的高音或低音調節 ( 唔係EQ ) ，所以對音色上有大大的調校空間。
能推動 AKG K812 唔出奇，因為佢係屬於易推耳機，但用上高增益之後， 連Yesun手上最大食的 AKG K612 Pro 都能推動，真係唔講得笑。 用家唔喜歡全屏出封面，可以改用這個顯示方式也無不可。
24bit /192 kHz升頻 另外 M3 身上的 CIRCUS LOGIC CS8422 芯片， 可使達到 24bit /192 kHz升頻效果， 升頻後是另一種口味，我個人唔反感這個升頻效果，但還是喜歡原味的演繹。
對應格式 雖然使用大家熟識的 4398 晶片，但她沒有提供DSD對應，透過USB接電腦的話能對應 24bit /192 kHz 。 以下是她所能對應的音頻格式，另外她也能提供升頻功能的設置。
Power 鍵在睡眠狀態下亮起藍燈。
這個是開機畫面樣子。
數小時後， Yesun 話我知，佢對 M3 的 LINE OUT 很滿意，我問佢駁去邊， 他說............膽機
唔係上面那部199人民幣膽機呀...........係呢部。
官網在國內以 1980 人民幣發售中........
而淘寶網都很容易找到。
1980 人民幣即係幾錢港幣?
如果信唔過隔山買牛，又或者唔方便返國內買的話，可以選擇幫襯深水埗高登電腦中心 Right Shop， 雖然以$2880港幣發售，但勝在有保養，有什麼東瓜豆腐，拿回深水埗比較方便。
M3規格與參數
國內朋友，請用以下視頻收看 http://www.tudou.com/programs/view/_lBkO88Z9d0/
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
