|
心願達成 發佈日期 : 2014年 12 月9 日 圖 / 文 : 巴斯
今次來到大阪，要順手買 兩款 audio-technica 耳機轉頭，這日經過 BIC Camera ，順道去找找。 來到這個角落位置，你睇佢個勢，今次仲唔比我找到 ?
要買的是圖中粉紅色盒裝 GOLD LINK 級別轉插，你睇個名叫 高Ling 就知係好野吧 ^^ 但............只得圖中所見大轉細，而無另一款細轉大。 但低一級別的卡紙裝兩款都有，激死我喇~~~~唔係 高 Ling 我唔買架，唯有買大轉細先啦。 斯 ME Ma 些~
暫時買三個大轉細先，包裝盒右上角是印上 1000日元， BIC Camera 未計 8% 消費稅，標價 798日元，即約 (
51 港幣 ) ，計埋 8%消費稅的話，每個實收是 861日元，即約 (
55 港幣 ) 便能買到，
一言驚醒 臨離開日本前的最後一個晚上，Yesun透過 Facebook 問我買了 JVC FX850 木壳耳機未，這時我先醒起我完全忘記這玩具。 但我明早就走了，臨時臨急那裡買最平? Yesun 立即在家中電腦用 Kakaku 幫我找，不需一分鐘就找到在大阪能買到最平的一家。 我依他提供的網址在 Google Map一看，嚇死我，有無咁巧合呀~~~大阪買到最平的 JVC FX850 木壳耳機，距離我所住的酒店剛好是四個街口。 下圖所見，右下角所顯示出來，就是我所住酒店名稱，天啊~~~
雖然我知道現在咁晚，店鋪早就收鋪了，但我總覺得無咁巧合，想即時親眼見到真係有這家店鋪在面前先能相信， 結果我回到難波後，經過酒店過門不入，直去目的地。 果然這家店千真萬確的出現在我面前，正正就是四個街口之隔。
這座建築物，就是我要入去買東西的店鋪，雖然現在夜深是關了門， 但明早11:00 開門，絕對趕到黃昏機離境。
結果第二天早上，我搞好酒店退房後，把行李存放酒店後， 慢慢行過來就剛好開門營業了。
一入門口，就見到 兩款 audio-technica 轉頭了，由於早前買了其中一款，現在買埋另外一款就完美了。 非常開心終於可以在上機前買到。
Yesun 撘我幫佢在這家店鋪買一部二手耳擴，另外兩款 JVC耳膠。 我向店員查詢後，他帶我到二樓去...........
平版電腦內有齊我今次想買物品圖片，店員非常清楚我要什麼，很快就為我一一找到。 圖中所見就是我在這店鋪要的所有物品了。
耳擴 圖中是陳列柜前所拍攝的，紅色這個附送 5粒 OPAMP 限定版 的耳擴，就是Yesun 要我幫佢買的物品。 圖中可見全新是 21600日元，這店鋪兼容二手器材，現在店鋪這部機二手價是 17900日元。
這耳擴是屬於前膽後石設計。 http://www.e-earphone.jp/ek-japan/tu-hp01sa
耳膠 耳綿或耳膠能影響入耳式耳機音色，錯配不適合自己耳膠，等同沒發揮耳機應有的能力，白白浪費。 由介紹漫步者H260耳機開始，每次有人提到某耳機唔係大家講到咁好聲時，只要叫佢換適合耳道大小的耳綿或耳膠，問題立即解決，命中率接近 100%。 Yesun 今次清單上有兩款 JVC 耳膠需要幫他買，這是大碼和細碼，因為他有中碼了。
所謂大碼與細碼，背面可以見到印上外直徑 13mm 與 11mm之分別。 咁好明顯 Yesun手上擁有的是 12mm了吧。 這款耳膠在店鋪內以每盒 1470日元發售中，( 約 94 港元 )，每盒六粒，圍起上來每粒約 16港元，即 32港元一對。
木壳耳機 而我自己就買了圖中所見 JVC 木壳耳機 FX850 ，我當然知道 JVC下月有新款取代版推出，但我覺得新款沒有什麼特別之處， 加上在這裡是售 24810 日元 ( 約 1592 港元) ，所以打佢主意。
看到嗎? Kakaku 網站所提供資料，最低價都是在東京，大阪地域賣24810日元，佢最平了。
好開心啊， 離開機場前可以趕到帶埋呢部木壳耳機返去和 IE 800爭寵，過著永無寧日的日子。
好喇~~~~買到所有物品，正想離開時，店員話有抽獎， 太開心了吧，仲有獎抽~~~~~
結果我抽到了............... 啊媽話收到人地給與的糖，要立即食左佢， 同埋返屋企前，盡快用了對方給的硬幣，但剛剛是整數，沒有硬幣呢。 ^^
繞場一週 難得來到，時間又唔趕，繞場一週先。 最新出品的 Marantz HD-DAC1 也有提供試用。
咁像AKG 812送的奥米加座呢， 喲~~~~~上面有少少不同，就係畫了隻龜喲。
即係幾錢?
原來佢都有出，比 sennheiser平D， 但個樣唔夠 sennheiser咁有線條美，Head-Fi唔只用來聽，仲要用來睇，何況係擺設?
限定版~~~~~個色好靚女，女生一定喜歡喲~~~ 這款 audio-technica 限定版在這店鋪以 29030日元發售中，( 約 1864港元 ) 。
有關這店鋪資料，可到以下官方網址看看。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
