|
臥底再來USB手指 發佈日期 : 2014年 11 月17日 圖 / 文 : 巴斯
11月16日 星期日，距離香港電視開台還有三日，黃昏時再次收到臥底新一隻 USB手指， 今次的韌體版本屬於 9.00 beta5，比上一次 9.00 beta 4 有所分別，而今次 USB 手指內，同時提供兩款不同 upg 檔案， 而上面的極長檔案名稱，懂得看的朋友就懂得看，看不懂也算了吧。
現時 Magic TV官方向公眾發放 8000D 最新韌體版本是 8.20。 上次跟大家分享了 7000D 的 9.00 beta 4更新，今次不如分享 8000D 吧。 把臥底給我的 USB 手指接上 8000D後，就會發現認到 9.00 beta5 這個新版本，當然開始更新吧。
香港電視設定 不需幾分鐘的更新後，可見新版本多了其中一個選項，是如圖所見的香港電視設定。 啊? 設定什麼呢?
啊~~~~原來係設定要定唔要觀看 香港電視 頻道， 所謂設定只是開與關，沒其他設定了。
呢個開關好貼心，需知道，唔係人人都喜歡睇 香港電視 嘛，例如落小姐，涼先生等.......都應該唔想眼寃吧。 2014年金句，最緊要有得揀，不過普通用家唔需擔心，這選項預設是開啟的，所以一更新就能睇到 香港電視 架喇， 有心唔想睇，自然要搞小小動作，先可以睇唔到 香港電視 吧。
排序方面，當然把香港電視設在最高位置， 方便日後更容易選台嘛。
由於依然未開台關係， 所以 EPG 節目表，就只有如圖所見樣子。
即錄 要睇 香港電視 有幾難，一街都係機，褲袋入面拿出來即睇也是零難度吧，提供錄影就唔係咁講了。 Magic TV可以順手錄埋，開心好多。 由於暫塒未能提供節目表，索性就咁一按即錄唔該。
真聽話，即錄中..............
畫質方面無什麼大進步，正如我早前所提到，畫質在香港電視所能提高的級別應該有限度，何況開台也只不過是以 720P播放。 長氣也說，現在畫質過得去就算了，我要求不高，只要唔好起格得太過份，畫面流暢就可以了，講乜都無用，最緊要節目內容好睇。 4K 海中顏面，你慢慢欣賞，我走先。
等........ 仲有三日開台，我相信 Magic TV 應該會在開台前，把新韌體版本上傳給大家更新的。 所以呢兩日，緊記除了長期睇實個 Magic TV 有無更新通知外，還一定要睇埋官方網頁， 因為好多時，最新韌體版本，會係由官方網頁第一時間推出，比機頂盒更快手。 一步到位網址如下 : http://www.magictv.com/hk/zh-b5/downloads.html
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
