|
MAGIC TV STREAMING 發佈日期 : 2014年 10 月15日 圖 / 文 : 巴斯
今日係 Magic TV 在 Google Play推出串流播放 app 的日子，這個 app 跟過往早推出給 iOS 用家手上功能是一樣， 只不過這個串流播放功能，由今日開始，android 同樣擁有吧，雖然係遲了很多，但起碼有得用。
串流播放 app 樣子與早前一直用開搖控 app 的縮圖像，在外觀上只有小小出入， 雖然文字上可以把她們倆個分開，但在流動裝置上看的話，有機會認錯， 但多用幾次，或者刻意把她倆分頁擺放，可解決這個問題。
安裝後開啟這個 app， 手機或平版電腦上，會見到網絡下的 Magic TV 機頂盒 。
跟早前 iOS 所提供版本一樣，用家同樣可以選擇畫質，畫質越高，對網絡頻寬要求越大， 如果用家唔好彩，流動裝置訊號收得唔好，可犧牲最佳畫質來達到流暢播放， 萬一用家碰到最惡劣訊號，有必要時，可撥到最低，代表放棄畫面，只要聲音都是一個可行方案。
呢個串流播放 app 其中一個強項，係唔單止可以在遠方上到網的狀態下， 看到家中 Magic TV 機頂盒內的各個直播中的電視台節目，更可重溫早被錄到硬碟內的節目， 用家根本唔需要返屋企先重溫到早前錄好的節目。 左圖就是由手機看到的直播電視台節目，右圖是Magic TV早前被錄在硬碟內的節目。
這個串流播放 app ，對我來講最最最大用處是在平版電腦上，因為裝了這個app，就等同買了部流動電視機通屋走，係我每一日都用的 app。 早上用平版電腦帶去洗手間，一邊梳洗，一邊睇新聞台。
睇埋屋企錄左未睇的大結局先。
不過跟 iOS版一樣，這個串流播放器，都係有很多改善空間，尤其快速搜畫基本上等同無效， 點對點播放無問題，但一搞親個畫面就要Load一大輪，只能稱為忍受使用，不過免費 app 咪用住先囉。 如果仲未安裝，可到以下網址得到。 費用全免 https://play.google.com/store/apps/details?id=com.magictv.pixelmagic
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
