|
SENNHEISER HH 10 耳機掛夾 發佈日期 : 2014年 8 月21日 圖 / 文 : 巴斯
國內朋友，請用以下視頻收看 http://v.youku.com/v_show/id_XNzU5MDQxNTIw.html 市面上耳機掛架，我最不喜歡是這款條狀設計，耳機長放這個位置， 耳機自己重量，會向下壓到這個條狀，或多或小會傷到耳機頂綿，當然不會影響音色，但會影響外觀。
為想耳機更方便和美觀地放在耳擴付近，而個座又唔會太大件影響整套器材觀感， 你知我啦，Hi-Fi 唔只用來聽，仲要用來睇嘛，找來推出市場好一段日子的 SENNHEISER HH 10耳機掛架幫手， 於是向有現貨發售中的 亦軒 埋手，他們的會員可平 $20，由於我不是他們會員，只能以正價 $239港元購入。
下圖為 SENNHEISER HH 10 吸塑包裝，我一直幻想她是盒裝，沒想過是吸塑包裝，第一次見面時有點愕然。 但唔緊要啦，日後又唔係用包裝，掛架靚仔咪算囉。
背面印有圖像化的組合教學，小學生都看得懂。
透過手機作比例，可大約想到實物大小。
留意圖中所見，她的虎口位是有厚度極限，太過厚的目標， 因為虎口位不夠大而用不上，可能要換第二志願位置夾放，所以購買前先量度一下厚度。
透過圖中所見，厚度大約係不能超過 3.5CM上下。
SENNHEISER HH 10 設計好簡單，只分兩個組件， 用扣的方式來固定，用家絕對放心把心愛耳機放上去。
圖中所見這個扣位，是以入荀方式扣上，可靠性極高。
結合完成了...........
這個掛架對我來講，耳機無需被迫放在器材上來煲機，放在掛架上煲耳機時非常方便和美觀。 當然，平日擺放在耳擴付近使用也是為用家帶來方便。
橫直夾 另外，她夾的方式，可如圖所見是可以用橫或直方式去夾。 這點對用家來講是非常靈活，我個人當然非常滿意。
原諒我再三強調，Hi-Fi 唔只用來聽，還要用來睇，呢個夾當之無愧。
淘寶貨 如果覺得用 $239港元買 SENNHEISER 貴的話，淘寶是另一個選擇，圖中呢款同樣以膠做的款式， $79人民幣有交易。 $79人民幣即係相等於大約 $99 港元，就算唔計運費都成舊水， 無錯係平過正版一半價錢有多，但你睇下佢個商標，很倒胃口， 唔係要我日日見到呢個商標掛，我的耳機放上去，我可以講你知，耳機自己一定唔會開心囉。 又係借用賤人萬用金句，唔係有錢買耳機，無錢買掛夾下化?
有朋友剛好訂了一個淘寶貨回港使用，這日去佢屋企來一個合照先。 論外觀，放耳機弧狀托位， SENNHEISER的仿皮紋比滑身討好，但最扣分當然係上面的商標吧，能否加錢抹走佢的商標呢? 我真係唔想每次放上我心愛的耳機上去時，都見到呢行字囉。
如果由這個角度望的話，夾位頂部都係有呢個我唔想見到的商標囉。 每次都見到佢個商標，真係好唔想，所以我問有無得加錢抹走佢囉，某程度上，無印果然係良品呀~~~
就算底部，兩者在做工上差別接近零。
如果我話她倆的構造是 100% 相同，你會反對嗎?
兩者外觀和結構，你話淘寶貨的製模是自行開發嗎?
其實 $79人民幣，再加$35人民幣運費 ( 沙田區 ) ，即係 $114人民幣 ，相等於大約 $143 港元。 應該買邊款 ? 你懂的~~~~~~~~~~
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
