|
AKG K812 發佈日期 : 2014年 8 月27日 圖 / 文 : 巴斯
奧地利製，全新開發的 53mm單元振膜，單元磁通量跟我的最愛 Fostex TH-900 同樣達到 1.5 Tesla，Air flow ........ 都是AKG K812 旗艦耳機吸引人之處。 某日去 DMA 位於 21樓 陳列室試聽，去呢度試主要係佢提供到有份量的耳擴， 唔通我用AK 240來推咩，無耳擴同無試有乜分別? 而且他們的音樂庫有返咁上下歌曲，一定有我平日聽開的歌曲，最重要係試完唔買唔會面黑， 部 AKG K812唔係放在陳列架上任試，係放在職員櫃位頂頭上的貨架上，一定要找職員先可用到， 如果要睇面色，我就唔試了，但這裡唔會，試完唔喜歡，脫身比較容易。
我一直以為開放式耳機低頻會被打折扣， 想不到深沉低頻效果，還有她很有那吸引力的中頻，開揚的聽感，使我一聽就愛上了。 低頻與 Fostex TH-900 相比，聲音較開揚而且有層次感，是另一種不同口味， 難怪呢款耳機一向有很好評價，很想與 Fostex TH-900 這種音色耳機一同擁有， 一向黑仔的我打算入手時，正係無貨之時，這耳機推出了一段時間，為何到今日還會缺貨呢?
可惡 ~~~>.<~~~
國內朋友，請用以下視頻收看 http://v.youku.com/v_show/id_XNzYyNTUxMTY4.html 開箱圖 苦等兩個星期，終於有貨了，透過其他雜物，可大約猜想到實物大小，這個紙箱體積可真不小。
雖然話個盒很大個，但還是不夠 Fostex TH-900 大啊。
拆盒~~~~內裡正是存放著AKG-K812 正式包裝盒， 明顯見到還有透明熱縮膠封著。
透明熱縮膠封著的還有行貨保用字樣。
登登登~~~~~~~~凳 我個人比較喜歡 Fostex TH-900 個盒多一點。
盒背付有圖解，列出自己的各個強項賣點。
內盒有手帶提供方便打開內盒。
內盒與外層分離後，就是如圖所見樣子。
開蓋後可見箱內共有三件東西， 除了耳機架，耳機，還有一個好似櫃桶的東西。
為唔想箱內物品在運送途中移動，頂部有固定位置迫緊，很細心的設計呢。
先把耳機膠袋拆走，好靚仔的 AKG-K812 就在眼前。
奥米加 Ω 開蓋後最搶眼正係奥米加 Ω 木製耳機架，算精美吧。
相比起 Fostex TH-900 跟機的神主牌， 這個奥米加形狀順眼好多。
問我是否滿意個耳機架? 有名你叫 奧米加 Oh My God ，點會唔喜歡呢 ? ^^
拿~~~~你自己話靚唔靚仔喇， 咁流線形，無投訴吧。
三件東西當中，最後就是這一件好像櫃桶的東西。 原來她可以整個抽出來。
打開後發覺還有些物品在裡面。
內裡所存放正是圖中所見配件與說明書， 當中一樣是最右手邊，多出一張好像是臨時加入的影印品。
把印刷品打開之後，可見到是一份說明， 是教大家正確把耳機接線插頭接上的圖解。
LEMO 3芯頭 K812 耳機線是單邊設計，很多耳機一線發燒友都很不滿意，但也無奈接受， 我個人一來不是發燒友，二來只要唔影響到我，我是不會介意是單線或是雙線設計， 這耳機設計雖然是可換線耳機，但唔代表用家就咁接上一條 3.5mm 或 MMCX 插頭線到耳機去。
她的接口是屬於 LEMO 3芯頭，她的接法是直出直入，而且有方向性， 用家如一時無留意，出力轉........咁就大近視了，唔知係咪之前出過事，所以跟上這張溫馨提示呢? 好彩針頭是在線那一邊，萬一針彎了，最多只係換線就算，但如果針位是在耳機內裡的一方，那就會麻煩好多了。
留意到雙方都有紅點作為對準， 用家只需直出直入，點對點就無問題，千萬不要轉動接合。
我個人對跟機呢條線一點好感都無，一來唔知點解原生係 3.5mm 然後加個 6.3mm轉頭比我， 原生 3.5mm 你話奇唔奇? 呢部耳機，唔通用流動機推的人，多過用耳擴來推的人嗎 ? 而且線身也使我覺得很無信心，我好肯定換線後更有超水準的表現。
我想你幫我做個轉換頭之嘛? 唔急架，但要快喎。
又來到煲機時間了，Weiss 202 耳機部份有四款不同輸出， 跟平日一樣 ，起初十數小時音量是用細音量來為耳機 ( 開聲 )， ( 開聲 ) 後來先調到正常音量。
煲機放響 Weiss 202 個頭煲? 弄花點算?
用奧米加又高頭大碼，放上來視覺像鶴立雞群，唔好搞喇~~~~
咁就開心好多喇~~~ 都係用掛夾比較適合， 煲到咁上下又可以一拿起就聽到變化，方便美觀又好用。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
