乾龍盛 QA860 發佈日期 : 2014年 7 月31日 圖 / 文 : 巴斯
早前 Yesun 購入了乾龍盛 QA360流動播放機後, 前日朋友鐵男更購入市值 $5680 人民幣 ( 約港幣 $7133 ) 的 QA860,你可以把她理解成QA360的放大版。 集 DSD播放器,DAC解碼器,耳擴,前級於一身,硬解 DSD與直接播放 SACD ISO 同樣是她的強項。 科技以人為本~~~ $5680 人民幣 ( 約港幣 $7133 ) 買部大陸機,對我來講是不可思議的事情,但對鐵男來講是他的恩物。 起初我十萬個不明白點解鐵男會在眾多市面上的器材當中,選擇大陸乾龍盛,聽完他解釋, 我明白到我自己覺得係優點,其實別人好可能覺得是缺點。 鐵男一直希望玩 CAS,但奈何他覺得玩 CAS ,無論 NAS又好,電腦都好,器材接駁對他來講非常麻煩,長開 NAS或電腦是使人不能接受。 乾龍盛 QA860 的出現,為他解決所有問題,這機可以講係一體機,只插 SD Card 播音樂就係咁簡單, SD Card 一張唔夠換第二張,換第三張..........聽歌只需要換 Card 就可以,為他帶來方便。
從手機接到鐵男傳來喜訊,問我有無興趣影開箱文,我當然第一時間飛撲出來吧。 到步見到包裝箱比我想像中小,透過手機作比例,可大約猜想到實物大小。
真奇怪,說明書和乾龍盛陳老闆一封信,是獨立付上,不是預先放在盒內的呢, 乾龍盛陳老闆封信好長,底面都印上,其實係簡易說明書。
屠龍刀拿出來~~~~ 乾龍盛外盒打開,啊~~~原來再無內盒,這個紙箱就是 QA860 的包裝盒了, 咁.......某程度上可以話係環保吧。
把發泡膠蓋移開,可見裡面有兩件東西存放。 黑色大的一定是 QA860吧,夾在最側邊有個長身紙盒,內裡存放就是付件。
付件 不如先看付件,透過下圖一目了然見到付件係咁多。
探熱針? 啊~~~原來唔係探熱針,係用來 Check 相位的工具,真係貼心到呢,非常有用啊。 一線發燒友對相位非常緊張,接錯相位,大大影響音色,尤其國內的接電.........有了這個工具就更放心了。 貼心到連教學都用印刷方式給用家使用,無野好講。
讀卡器 付件當中還有讀卡器,怕用家無讀卡器抄歌,你知國內的屋,付近唔係你話買就買到嘛,如果剛好用家是沒有讀卡器咁點算? 跟埋機來,就萬無一失啦,而且這款讀卡器雖然身上是用上乾龍盛字樣, 熟識電腦的朋友不難看出是 品勝代工,信心保證,做得好,十個 Like。
圖為屬於自己的品勝讀卡器。
3.5 mm / 6.35 mm 大細頭轉換都送埋比用家,買耳機送就唔出奇遮,買前級解碼耳擴都有,又真係小有, 而且仲係獨立包裝添,一定要拆包裝先用到,好有誠意。 另外付件還有國內電源線一條,還多放一個香港合用的 13A 轉換頭,細心到咁無野好講喇,不過我保證香港的發燒友唔會用呢個轉頭囉~~ 不過免費送又唔客氣喇,鐵男話佢有發燒線比QA860用,呢條國內電源線會跟埋個盒長眠床下底。
呢個係 QA860 紅外線搖控。 搖控 App ? 唔好傻啦,邊有app咁開心架。
付件睇完,可以把目光回到機身上。 把機由紙箱取出來,可見到是用發泡膠包著,保護性能強。
把機移出來就可以見到真身,真身也是比我想像中細一點,跟一般座台耳擴連解碼的機差不多大小。 透過手機可大約猜想到實物大小,這機有銀色與黑色兩款選擇。
SD Card 音樂庫 機身側面可見到兩個插口,先講 USB ,這與用家一點關係都沒有,那些意圖及企圖把音樂檔透過USB接上的性幻想,請死心吧。 視而不見這個 USB接口,是用家唯一對這USB插口可做的。 這機唯一讀到音樂檔案,正正就是靠這個 SD Card插口,無論是什麼格式音樂檔案都好,SD卡是唯一溝通介面。 這個 SD插口支持SD / SDHC / SDXC,最大支持128GB SDXC卡(將來可軟件升級支持更大容量 SD卡)。 SD Card也是他日韌體升級的工具。
廠方在機身側面早插入一張 16GB SD卡,所以用家收到機就立即有得用,唔怕無 SD Card 而煩惱, 唔好以為送就無好野,睇清楚唔係雜嘜,你識我識的 SanDisk 品牌。 但呢個高清音樂檔案年代,16GB呢個容量無可能滿足到用家,鐵男上星期早有準備,另購一張 128GB 作為音樂庫。
Low Level Format 根據官方溫馨提示,SD Card首次必需要以 Low Level Format 為記憶卡格式化, 咁先可以發揮到張卡的極速與隱定性,絕不能偷懶,完成首次格式化之後先把所有歌曲傾到下去。 這張128GB卡屬於 90讀 60寫高速卡,也要 40分鐘方能完成 Low Level Format 。 提提你,用了40分鐘只係 Format 所花時間,仲未有歌聽住,你答我打爆一張 128GB卡要幾耐丫拿,不過都係首次所要花的時間吧。 無 Card 無得傾 部機 Power On 之後,如果機上無插入SD Card的話,這個畫面會長期處於這狀態, 除了 Power Off 之外,她不會切換去任何這個畫面以外的樣子, 就算用家只係去做 SetUp 都唔比,總之無 SD Card無得傾,非常有個性。 待續...........
各師兄與朋友,這篇文章,如非商業用途,歡迎轉貼再轉貼,如需借圖片使用, ◆ avbuzz.com精神,人人毒我,我毒人人 ◆ 謝謝收看這篇文章,你是第 個收看這篇文章的讀者。 |