有價了 發佈日期 : 2014年 7 月13日 圖 / 文 : 巴斯
早兩日終於收到 AK100II 的售價了,行貨開價港幣 $7380。 這機預計在七月中到貨,話唔定呢兩日都到貨了,準備好成為第一批香港用家未呀? 心目中有邊款耳機係你的第一志願配到 AK100II身上去呢? 雖然 AK100II 係 AK 新系列三機之中排行最細, 但聲音一點都唔失禮架,Hi-Fi唔只用來聽,仲要用來睇, AK100II 外觀又靚仔,建議唔用機套,握上手的手感好正,對聲音唔係要最高要求,打佢主意都唔錯。
唔好以為流動播放機就咁播歌就算,要達到以人為本目的,操控感受唔可以唔理,尤其成日用,對自己好D啦。 新系列 AK,操作介面方面係其中一項最得我歡心的功能, 能建立多個 Playlist,自由排序,插播,Delete.......通通都係用手指在屏幕拖拖拉拉下完成。
除上述常用功能外,以速成或英文搜尋, 另外配合家中電腦或NAS進行串流播放呢類功能,同樣係國產磗頭機無可能比到你的豪華感受。 AK 最大缺點就係貴,正所謂 : 平野冇好,好野唔平,越平越唔好,越好越唔平。
Astell & Kern 三機比對表
各師兄與朋友,這篇文章,如非商業用途,歡迎轉貼再轉貼,如需借圖片使用, ◆ avbuzz.com精神,人人毒我,我毒人人 ◆ 謝謝收看這篇文章,你是第 個收看這篇文章的讀者。 |