|
搖控 發佈日期 : 2014年 7 月12日 圖 / 文 : 巴斯
在 OPPO HA-1 / PM-1 體驗會裡，國仁向大家介紹 OPPO HA-1 的搖控功能， 係囉，搖控有什麼好講呢? 睇完呢段短片你就知點解呢個搖控唔講唔得。
國內朋友，請用以下視頻收看 http://v.youku.com/v_show/id_XNzM5MjkzNjQ0.html
哈~~睇完條片，係咪好精彩呢? 國仁指出，市面上比較小耳擴提供搖控，OPPO HA-1不但有，而且有兩個之多， 一個係傳統紅外線搖控，另一個係免費 app 藍芽搖控。
最貼心係兩個搖控的功能鍵位置佈局是100%相同， 使用家就算常用其中一個搖控，某日突然要用另一個，都唔難習慣，值得一讚。
下圖為跟機付送的紅外線實體搖控， 替換電池方式尾部跟 iPhone 手機拆 Sim 卡一樣，用幼針篤出，小朋友誤食電池機會是零。
aptX 藍芽接收功能 片段裡可看到國仁提到 OPPO HA-1 提供 aptX 藍芽接收功能，很多人會利用平版電腦作為娛樂平台， 尤其近日很多人會透過平版電腦睇世界杯，試問平版電腦聲效又可以提供到幾好聲呢?
利用 aptX 藍芽最佳傳輸，傳送聲音訊號去 OPPO HA-1 ，配合家中其他器材一起發聲，聲效必定幾何級數提升。 可能平板電腦未必提供 aptX ，但就算透過普通藍芽傳送，都比用機體內喇叭出聲為好。
Media Keys 搖控 app方面，藍芽又好，WiFi都好，以用家來講，無所謂啦，反正都係無方向性的按鍵，唔需下下要對住部機來按。 但內裡的細節，作為用家如果唔知，就好醜怪喇。 HA-1兩個搖控，不單只是用來操作 HA-1 咁簡單，播放功能要操作的那幾個鍵， 是用上 Keyboard所用的 Media Keys 。 即係話，用家手指雖然係按 HA-1所提供搖控，其實跟按 Keyboard上的 Media Keys 無分別， 來自電腦 ( Mac / PC ) 的 Player，也是因為 HA-1這個功能而受惠，正如片段裡國仁示範，他按 HA-1 搖控上的暫停，使音樂停止， 音樂之所以停止，唔係因為 Mute了 HA-1 的聲音，而該一按，是按著電腦當時播放中 Player ( Audirvana Plus ) 的暫停鍵。 只要該軟件 Player 是使用 Media Keys 來操作，HA-1搖控一定能支援， 例如熱門的 Audirvana Plus， foobar2000，Window Media Player ，iTunes.........等等，當然沒有任何對應上問題。 不需預先設定，用家知又好，唔知都好，一按鍵就生效。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
.jpg)
