新款 AK 現身中野

發佈日期 : 2014年 5 月12日    文 : 巴斯

5月10 與 11日,在東京・中野區,舉行一連兩日 春のヘッドフォン祭 2014,免費入場。

搶盡風頭一定是韓國品牌 Astell&Kern 所推出 AK 100 與 120 取代機種吧。

日本知名網站 AV WATCH  報導有提到 : 新一代名稱為  AK100II 與 AK120II 。

靚仔到呢..............頭一秒我幾驚係 AK240新的取代品,現在個心還在卜卜跳呢 ^^ 

下圖所見,左手邊前額比較高的是 AK100 II ,右手邊前額相對地比較,自然就是 AK120 II,

透過 AV WATCH 記者手掌做比例,可見單手掌下兩部機,因為長身設計,有更好的握手感。

新款由黑色轉成時尚感極強的銀色,睇落更簡約,相比之下舊款很老土,用家請原諒我,我也是過來人  ^^

唔用黑色機身,外觀上更大大拋離國磚,從外觀上無可能埋到身。 

新款外形靚仔唔在講,選用跟 AK240 同一樣的操作介面,最囉命係顯示屏比舊款大。

加大了操作屏的視覺享受,是舊款所無法相比,原諒我再多口提, 

Hi-Fi 唔只用來聽,還要用來睇,何況跟身四處招搖的 Head -Fi ?

內在美當然唔少得,在操作介面上,可見與 AK240 一樣提供平衡輸出,問你死未? 

廠商為 2.5mm 平衡輸出而推出的產品,點可能只屬於AK240 獨享啊 ? 

平衡輸出是必然存在於日後AK產品吧。

外置記憶卡位由兩個改成跟 AK240一樣款式的單一個設計,嘿,猜想都是最高支援 128GB microSD 吧,

呢個無損音樂檔案掛帥年代,就算唔計 DSD 檔案,今時今日,無得額外插 Card 機種幾難有運行。

兩部機售價還未有提到,手上持有舊款機朋友,係時候計算一下她們的去留問題,唔急~~~但要快囉。 ^^

新款靚仔加上咁多新賣點,災難性跳船會否出現呢? 二手承接力又會如何呢? 

手上正用其他牌子流動播放機朋友,又是否會因為呢兩部新機吸引力而轉投 AK 呢? 

有關這兩部新機資料,三日後在 HIGH END 2014 展覽會場,官方有更多消息向外發佈。

有關 AV WATCH  報導這兩部新機內容,可到以下網址得到重溫。

 http://av.watch.impress.co.jp/docs/news/20140511_647709.html

 AV WATCH  報導 春のヘッドフォン祭 2014

http://av.watch.impress.co.jp/backno/event/index_c215s2940.html

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。