|
回不了頭 發佈日期 : 2014年 2 月18日 圖 / 文 : 巴斯
開箱圖正式開始~~~ 盒上的印刷一一把她的強項一次過毫無保留地寫晒出來。 橫放狀態下，其高度唔可以上下升降呢個弱點當然唔會講出來啦。
介刀一拖~~~就可以打開個蓋，出現在眼前係發泡膠，移開之後就係一個套。
把套拆走後，就可以見到 24" 的面板，條邊算幼架喇， 千幾蚊有 24"你想點，唔通仲囉埋最佳設計大獎咩。
反轉背面可以見到她的樣子，並見到藏線柱。
有什麼接駁口一目了然，電源方面，不是平日常見的 IEC頭，咁即係外接火牛啦。
這是拉起藏線柱的狀態。
把蓋拆開，線材就可以放進去，做到隱藏效果。
回望箱裡面，餘下就是底部發泡膠，把她移走後，可見到有其他附件。
就係如圖所見物品，包括跟機送來 1.5米長 HDMI線 ，還有上述提到過的火牛。
連同我用托也哥扮相爭取到的HDMI線，一共擁有兩條同樣長度 1.5米 HDMI線。
不過因為我的電腦與Mon兩者之間擺放距離比較遠，所以1.5米唔夠用。 何況我唔係好信得過呢類線，加上家中有不少有信心線材，而且她們都有足夠長度，所以我用這一些較優質線材。 除了上述附件外，還有這個金屬底座。 要人手把她倆接在一起先可以使用。
上面還有圖像化的講解，叫大家轉動個Mon，先要傾斜個Mon角度先轉， 雖然D中文字筆劃比較惡睇，但前文後理推測一下，都估到大約講什麼。
好啦，把金屬底座接上去個柱位。
雖然底部有 Lock 但依然有縲絲為底部上緊，得到更好結構固定。
但.......一時之間要找合適縲絲鈚有難度。 呢個世界，錢唔係全能，但萬能是鐵一般事實。
電源線與HDMI線，經過藏線柱就得到隱藏， 放心，呢個設計，絕對影響唔到轉動個Mon時影響到線材的。
撕走塊膜就可以用得架喇~~~~~
首次安裝時，只需在使用中的顯示卡設定三星Mon 延伸，並轉為90度。 咁就搞惦架喇。
理論上係自動對應到100%填滿畫面，但電腦野，時有失靈是常識吧。 萬一見到個直Mon畫面並無自動填滿畫面，咁就要手動做修正喇， 左圖所見的縮放選項，會見到預設唔識得去畫面掃描，所以靠人手把個鍵如右圖所見，推返去全畫面掃描，咁就解決了有關問題。 點解我咁清楚，好明顯我咪係那個當事人囉 ~~~~>.<~~~~~
溫馨提示 : 上述這個售價不到 $1500 的 Samsung 24" LS 24c750ps ，是為我呢類外省民工而設的草根產品， 以下這款，同樣可以一橫一直，買齊兩個一套，身份顯赫的專業級代表， 唔係professional唔緊要，放低錢，立即成為 professional，邊個夠膽話唔係? 呢個級數的Mon，並非一般外省民工可以埋到佢身的。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
