難忘驚險之旅 發佈日期 : 2014年 1月31日 圖 / 文 : 巴斯
今次這個七日旅程,有很多事情從來未經歷過而且驚險萬分,留下深刻印像。 包括出發時,Tiffie入閘一刻先想起身份証與行李一起寄了倉, 跑回櫃位求救先知道,Tiffie依然可靠手上護照出境,我們嚇個半死...........
快活不知時日過 在渋谷109買衫買到唔知時間,無意之中,見到扶手電梯關閉,先知道這個場場早在15分鐘前就關閉, 手上努力了一整天,本來可以用作抽獎的單據,都作廢,因為樓下抽獎攤位早收工了。 同樣因為忘記時間存在,下午在 Locker內的雪藏蛋糕,也因為東急百貨早在15分鐘前關閉,所以無法取回。 圖為當日掃貨後的單據,沒用作抽獎有點可惜。
到步後,頭兩日都是純 Shopping ,原宿與渋谷109,兩日努力不是白費的呢。
錯過起飛時間 最最最最嚇人的一定要數回程返港,飛機黃昏 6:00起飛,我倆居然 6:00先去到成田機場 ( 未寄行李,未過海關,未辦出境手續。 ) 點解會遲咁多? 掛住玩,樂極忘形囉........係咪離譜呢。 當我向 Tiffie 說,發現無可能趕到上飛機時, Tiffie 居然笑著說,好啊,咁我們可在新宿多住一晚,@-@ 但唔可以咁樣架~~~都要趕架~~~~ 當我倆 6:00 到達櫃位時,櫃位早關了燈,只有頭等櫃位服務,當然第一時間飛身埋去問,最快幾時有機位回港。 空姐用這個世界上最最最最甜笑的英語向我道歉,她說 這裡有兩張 500日元的飲品卷,作為公司的一點歉意,我現在為你們把行李寄倉吧................ 天啊!!!!呢D情節, 我以為拍戲先有,居然現實真係會發生的, 太感動了!!!!!除了感謝神,我真的不知道要感謝邊個的安排。 我其實現在依然驚緊呀~~~~
高空三萬呎的心情 考試完結的第二日早上就飛,好難想像 24小時之前,還在應付考試的心情,現在這刻是100%放輕鬆, Tiffie 心情就在高空三萬呎天空的開朗。 Tiffie 愉快的心情是很難用文字去交代。
食,玩,訓,扮靚,再,訓,玩,食,扮靚............. 七日的日本之旅是幸福經歷。
雨一直下 出發前雨下得極大,上落行李都有困難,聰明的 Tiffie 穿上一對她打算棄置的舊 boot 來, 預計到達日本後,就用新鞋來取代,叻叻~~~ 由 Tiffie 的舊鞋可見外面的雨勢係幾利害。 我的鞋又點解會咁乾 ? 因為.....我有人字拖囉,這刻人字拖在行李倉內呢~~
就係咁, Tiffie 對舊Boot,數小時後, 就留在JR站旁邊的鞋店裡了,多謝店員幫手處理這對舊鞋,永別了~~~~~ ^^
最喜歡的鞋 講起鞋,今次最最最最最最喜歡的就是這對熊仔鞋,是在原宿一家鞋店收養返來的,我和 Tiffie 都非常喜歡佢倆個, 他們唔只有好可愛表情,更重要係有手仔架 ,所以上鏡靚唔在講,仲勁得意添。 缺點係貪玩同埋唔專心,每次 Tiffie 擺 Pose,倆條友仔都掛住玩。 搶鏡 呢對鞋好搶眼,在表參道拍攝時,吸引到有位金髮洋妞,拿著一部DC問Tiffie,是否可以給她拍下這對鞋, Tiffie 望一望我,我當然同意吧,但我居然就咁看著她影就算, 白痴的我無把呢個咁重要時刻拍下,我後侮到依家呀~~~~
今次所拍的 PV 係我最最最最滿意的作品,多謝 Tiffe 完全做到我希望的要求, 條片我睇了好好好好好多次都唔悶,可以講係豐收。
女生是一種非常特別的生物,穿上靚衫,身處異國,就會變成另一個不一樣的她, 在日本的 Tiffie 表現,明顯與香港並不一樣,我喜歡身處日本的另一面 Tiffie。 我真係好好好好好喜歡這個不一樣的Tiffie。
2012年中開幕,位於表參道與明治通十字路的 Tokyu Plaza,一直都好想影像萬花筒的大門口特色, 如果我自己一個影就會無興趣,有 Tiffie 的話就開心好多了,拍片與影相,來回扶手電睇幾次完成。
你睇~~~兩隻野又唔專心喇~~~~你可想像到我和 Tiffie 有多喜歡佢兩個。
廣角鏡出勤 另外,放了在床下低一段長時間無用的 10mm - 20mm ,終於有機會用了,今次專程帶來影 SkyTree 。 如果沒有Tiffie 的話,我覺得自己是不會帶咁大個鏡頭來日本影的。
景 景 ~~~~~從來不是來日本要擔心的問題。 日本街道,基本上亂影都咁靚,而且景物都係密集式地出現,要擔心反而,是否夠時間影,因為冬季的日本,4:00 PM就天黑了。 失敗率接近零,試問點可能唔在日本影相呢?
有人話跟女生影完相而唔比佢睇,係等同虐待她,我同意的 ^^ 景物咁靚,Tiffie 當然想睇下成像係點啦。 只係比部負責幅機 RX10 所影的相, 透過這張連環圖可以看得出 Tiffie 開心到佢呢~~~~ Tiffie開心,我比她更開心 ^^
你倆個又唔專心喇~~~~~~
各師兄與朋友,這篇文章,如非商業用途,歡迎轉貼再轉貼,如需借圖片使用, ◆ avbuzz.com精神,人人毒我,我毒人人 ◆ 謝謝收看這篇文章,你是第 個收看這篇文章的讀者。 |