Canon EOS M2 

發佈日期 : 2013年 12月24日    圖 / 文 : 巴斯

Yesun吩咐睇下市面上的 Canon EOS M2 推出未,因為香港未有見街,

晚餐前在新宿西口附近電器連鎖店內找到,有單機,也有套裝發售。

提供陳列品仼玩任試,店員非常好人,教我用部機,店員英文發音我不太習慣,都係估他講什麼,

不過相機功能,來來去去都係咁上下,估到一兩個單字,大約知佢講乜就真,加上佢捉住手教,更無問題。

正常人當然放下Tiffie去搞新相機啦,但我唔正常呢,

何況我都找到自己最喜歡相機,其他相機與我冇關。

用 Digic 5 影像處理器的  Canon EOS M2 可換鏡無反相機,屬於APS-C 感光元件,1800 萬像解析度,連拍 4.6fps,

Wi-Fi 傳相功能當然有,無就搵你買喇,可透過免費的 EOS Remote App使用。

104 萬,3 吋 觸控式螢幕,篤下個畫面就能對焦成像,呢點對平民百姓非攝影發燒友來講比較方便 。

唔知係唔係我心急關係,有兩三下唔中,他日有機會再試清楚。

試過用Touch Screen來切換光圈和快門,可能我唔適應,覺得麻煩,不過用得呢類機的朋友,一般都用全自動就真,影張相搞一大輪,為乜? 

所以如果用全自動的話,上述切換光圈和快門的所謂問題,是不存在。

由於售貨員太熱情,留在我身邊,我唔方便用另一部相機影部 M2,襯熱情的店員行開之後,立即和 Tiffie 影幾張到此一遊的留念相吧。

新垣結衣代言的硬照廣告,也在街上很容易見到,新垣結衣右邊那個啊 ^^ 

以這張為例,在表參道的地下通道內所見的廣告也很大個呢,JR 車箱也見到,由於當時車箱好迫,動彈不得,無法拍攝,只得呢張留念。

如果你係我,會否叫這位啊禪借借呢?

 

新垣結衣 Canon EOS M2 CM 兩分鐘版本廣告

靚到無朋友,音樂又好聽,正爆!!!!!!

唔睇係損失。

  Video 

 

 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。